Bogangi o likolo mpo na koluka boboto

Jean- René Bompolonga – Kinshasa/Congo

Mbula moko eleki, batomboki ya Hamas bakendeki koboma bato o ekolo Israele, mingi bazalaki ba solda te -bana, bilenge, bamikolo, mabota mibimba- likambo ena ezalaki litambe moko ebakisamaki mpo na komema na libulu ya etumba ya mokili mobimba ya misato. Mokili, eye ezalaki komona bobundisi ya ekolo ya Russia epayi ya Ukraina mpe na bitumbaa misusu bato babosana, emonaki etumba ya bana ya Israele na baye ya Palestina, oyo esilaka te, ebanda lisusu na lolenge ya mawa. Mawa ezali mbuma ya mokolo ya bobomi bato eye elongoli bomoyi y abato koleka nkoto yoko, elandami na likambo ya pasi mpe esilaka te ya bakangami, baye mingi bakufi na  ba sanza maye maleki. Mawa ezali mbano ya bozongisi ya Israele, eye ememi na kobuka Gaza na kobomaka bato 42.000, bana mingi na kati wana. Bankama na bankama ya bato babungisi ba ndaki na bango mpe bazali kobika lokola bato bakimi mboka na bang ona kati ya pasi, na bozeli bopemi, na kobanga bokweyi ya bombe to mpe drone ezali koboma oyo ekoleka na “mabe misusu”, elingi koloba liwa ya baye bayebi likambo te.

Bakambi ya bikolo bisusu bazal na makoki te ya kosilisa bobomi ya bato na Moyen- Orient, na mpe bitumba bizali kobebisa Ukraina. Na tango mosolo ebele ezali kobima mp ona boluki bibundeli, mosala ya boluki boyokani ezali komonana te kati na mokili. Politiki ewandi kimia, “kosolola” mpe “bosombi biloko” bikomi maloba maye balobaka te. Moto moko te azali na makoki ya kosukisa bitumba bina.

Na libaku ya mobu ya yambo sima ya bobomi ya 7 ya sanza ya zomi ya 2023, mokolo eye Eklezia ekumisaka Mama wa biso ya Rosario, Papa François abiangi na mokolo ya losambo mpe ya kokila mpo na boboto. Ba sanza maye maleki, episkopo ya Roma akobali koganga, ata bazali koyoka ye te, kobenga ete bitumba bisila mpe bokeyi na ba nzela ya boboto. Lelo, bagani ena ekomi lisusu eyembelo mpe ekolobela Likolo.  Na elikya ete Mokonzi ya lisolo afungola motema ya bakambi ya bikolo mpe bakoma na ba “masolo ya sembo” mpo na bosilisi liboma ya bitumba. Pamba te, ata boboto ya mabe mpe ya malonga te ezali malamu koleka mpasi ya étumba, ata eye emonani  lokola ezali ya “sembo” koleka. 

Botondi na ndenge otango mokanda eye. Soki olingi ozala natango inso na basango, mikomisa na mokanda na biso ya sango na esika eye