Na ba ngonga ya liboso ya Jubilé 2025

Jean-René Bompolonga- Kinshasa

Na lisumu na ngolu, na Roma, ba pèlerins ya liboso batiki nsima na bango nionso oyo ezalaki malonga te epayi na Nzambe mpe bazui bolimbisi na boleki Ekuke Mosantu ya basilique Santu-Petelo, ekuke ya liboso ya ba basiliques minei ya papa, eye Papa afungolaki mokolo ya ntuku mibale na minei ya sanza ya zomi na mibale elekaki kino sik’oyo.

Bikuke Binsantu misato bitikali ya kofungola

Mokolo ya eyenga ntuku mibale na libwa ya sanza ya zomi na mibale, Ekuke Monsantu ya Santu- Jean-de-Latran ekofungwama na archiprêtre na ye mpe sango molandi ya diocèse ya Roma, episkopo ya lokumu Reina, liboso ya misa ya feti ya Libota lisantu ya Yezu, Maria mpe Yozefu. Mokolo ya liboso ya sanza ya yambo, o eleko Eklezia ekosepela Maria lokola mama ya Nzambe, Ekuke Mosantu ya basilique Sainte-Marie Majeure ekofungwama na archiprêtre na ye, episkopo ya lokumu Rylko, mokambi ya kala ya Conseil pontifical mpo na ba laïki. Ba pèlerins bakozela mokolo ya eyenga  mitano ya sanza ya yambo, mokolo ya eyenga ya mibale nsima ya Mbotama, mpo na bofungoli Ekuke Mosantu ya Saint-Paul-hors-les-murs, na episkopo ya lokumu Harvey, archiprêtre na ye.

Mokolo ya ntuku mibale na libwa ya sanza ya zomi na mibale, ezali eleko eye eponami na episkopo ya Roma mpo ete Mbula Mosantu efungwama na lolenge elongobami na ba episkopo ya ba diocèses na ba cathédrale binso mpe ba co-cathédrale ya mokili.

Bofungoli ya Bikuke-Binsantu na Roma ekobebisa soki moke te manaka ya ba misa ya Papa François. Te Deum mokolo ya ntunku misato na moko ya sanza ya zomi na mibale, misa ya mokolo ya liboso ya sanza ya liboso mpo  na lokumu ya Marie Mama ya Nzambe, misa ya epiphanie mokolo ya motoba ya sanza ya yambo mpe baptisimo ya bana ya sika mokolo ya baptisimo ya Mokonzi mokolo ya eyenga zomi na mibale ya sanza ya liboso na chapelle Sixtine.

Ba boyei ya ba lingomba ya ba pèlerins ya yambo

Mpo na Jubilé 2025, Roma ebongami kitoko na eleko ena ekozala epayi wapi ba nkama ya ba pèlerinage bikosalema. Na mikolo ya liboso ya sanza ya liboso mangomba ebele bikokoma na Roma. Ya liboso  oyo bazali kozela ezali lingomba “Tra noi” esalemi na Italia na 1952 mpo na bosungi bana misala ya bilenge ya basi bazalaki kosala misala mosika na mabota na bango mpe lelo ezali na Brésil. Bakolanda nsima bateyi katoliko ya Italia, to mpe ba pèlerinages ya yambo ya ba diocèse, ya Italia, Amerika, mexique to mpe ya France. Diocèse ya Paris ekozala na Roma na nsuka ya sanza ya mibale.

Ba audiences ya Jubilé moko mokolo ya poso na sanza

Ba pèlerins bakoki kokatisa Bikuke- Bisantu, kosambela na esika Petelo akundami to mpe kozala na audience ya Papa, pamba tè abongisi lisusu malongi ya mokolo ya misato, ba audiences ya Jubilé moko mokolo ya poso na sanza. Ya liboso ekosalema na zomi na moko ya sanza ya liboso ekoya na esika ya Santu Petelo.

Vatican epesi likanisi o eleko inso ya Mobu Mosantu, ba jubilés bipesami, liboso ya Papa. Ya liboso ekotala mpenza basakoli na nsuka ya sanza ya yambo o eleko ya Mikolo ya Santu François de sales, bikolanda baye batalaka kimia na mboka, bato ya misala ya ntoki, badiakono to baye ya volontariat. Manaka nyonso ezali na www.jubilaeum2025.va