Hebdomada Papae, o boletim em latim do Vatican News

“HEBDOMADA PAPAE”

Notitiae Vaticanae Latine redditae

diei duodevicésimi mensis Iunii anno bismillésimi vicésimi secundi

Titoli

Francíscus in Audiéntia Generáli: Ucráinae civitáti ánimi propínquitas est nobis manifestánda.

Núntius Papae pro Die Mundiáli Páuperum: mútuae primórum vocem páuperum opériunt.

Valetúdinis aerumnárum causa différtur iter apostólicum in Congi et Sudániae meridionális Africae natiónes.

Ómnibus vobis cómiter salútem dicit Catharína Agorelius: optáti audiátis editiónem hanc nuntiórum latína língua prolatórum.

(SERVIZI)

In Audiéntia Generáli diéi décimi quinti praetériti, Póntifex décimam quartam catechésim de senectúte óbtulit, de sollemnitáte Córporis Dómini etiam dísserens ac dénuo in conclusióne adhórtans, ne pópuli Ucráini obliviscámur. De his refert Rosárius Tronnolone:

Senectúti dénuo Papa catechésim in Audiéntia Generáli última féria quarta prolátam dicávit. Francíscus dixit hómines aetáte provéctos posteritátibus multum iuváre possunt ac praemónuit, ut omne desidérium eósdem reiciéndi caverémus et díscrimen iúvenes habéndi «sine radícibus». Fidéles salútans Póntifex sollemnitatem Córporis Dómini commemorávit, quae in Civitáte Vaticána féria quinta, die scílicet décimo sexto Iúnii, celebrátur, atque christifidéles adhortátus est, qui a Deo expóscant, ut áliis sese donáre váleant atque inservíre laetánter, praesértim egentíssimis. Exeúnte Audiéntia, dénuo de bello dísserens in Ucráina petívit, ne eam habeámus uti rem remótam, sed civitátem, cui proxímitas ánimi auxíliis et précibus est nobis manifestánda.

In núntio pro Die mundiáli Páuperum Francíscus calamitátem belli in Ucráina rursum castígat: «Coram paupéribus – inquit – sermónes sérere mínime opórtet, sed ópere eníti». Deínde pecúniae cupiditátem reprehéndit: nímia avíditas óculis calíginem offúndit. Omnia refert Olga Sakun:

Paupéribus et ad paupertátem redáctis, indigéntibus, prófugis et vagántibus belli in Ucráina causa Papa Francíscus núntium pro Sexto Die mundiáli Páuperum die décimo tértio mensis Novémbris celebrándo dicat. Iam a primis longi húius documénti verbis Papa unam ex summis paupertátis témporis nostri causis expróbrat, scílicet bellum. Póntifex póstea éxtulit coram paupéribus sérere sermónes non oportére, sed fidem perfícere. Dénique de malo usu pecúniae praemónuit, cum nihil – dixit – magis christifidéli nóceat quam simulácro divitiárum décipi, quae óculis calíginem offúndunt et impédiunt, quin aliórum vídeat necessitátes.

(NOTIZIE)

Medicórum petítu propter cruris aerúmnas, dilátum est iter, quo Póntifex Rempúblicam Democráticam Congi et Sudániam Meridionálem prima hebdómada mensis Iúlii invisúrus erat. Summam maestítiam significávit Francíscus expléta Salutatióne Angélica diei décimi secúndi mensis Iúnii, sed declarávit se confídere, ut, Deo et medicórum curis auxiliántibus, illos pópulos quam cítius adipísci possit.

Haec ómnia sunt pro hac editióne; conveniém