Papa:waelimishe watoto kwa upendo na msiogope kupendekeza maadili ya juu

Na Angella Rwezaula – Vatican.

Baba Mtakatifu Francisko tarehe 31 Oktoba 2024  alikutana na Washiriki wa Kongamano la X la Umoja wa Kitaifa wa Harakati ya Shughuli za Elimu za Chama Katoliki la Matendo ya Vijana, nchini Italia ambapo aliwakaribisha kwa furaha. Papa aidha alimsalimia Makamu Rais wa chombo hicho na wote na kuwashukuru kwa chaguo, ambalo halijachukuliwa kuwa la kawaida, kuwa na kufanya ushirika katika Kanisa. Papa alisema kuwa huduma ya elimu inayofafanua harakati yao  inaleta, leo hii labda zaidi ya hapo awali, changamoto ya kufanya kazi katika ngazi ya kibinadamu na ya Kikristo. Kuelimisha - kama wanavyojua vyema na kushuhudia - kunamaanisha kwanza kabisa kugundua tena na kuthamini ukuu wa mtu katika muktadha wa uhusiano ambapo heshima ya maisha ya mwanadamu hupata utimilifu na nafasi za kutosha za kukua. Mpango wao  wa mafunzo kwa Harakati ya Chama cha  Kikatoliki cha Italia hukua kulingana na maono  na ya kimfumo ya utume wa elimu. Wamejitolea kwa kazi hii kwa ubunifu, kwa kuzingatia alama za nyakati na kujiruhusu kila wakati kuangazwa na Injili. Wametekeleza hatua hii ya kielimu kwa kujaribu kubaki na mizizi mizuri katika maeneo, wakiwa na moyo wa kushirikiana na Makanisa mahalia na ukweli mwingine wa walei Wakatoliki.

Mkutano wa Papa na Washiriki wa Shughuli za Kielimu kwa Chama katoliki cha vijana

Baba Mtakatifu Francisko amebainisha kwamba “Katika badiliko hili la zama, katikati ya mchakato wa kujitenga - ambayo ni wazi; tunaweza kuona waziwazi jinsi roho ya ulimwengu huu -, shughuli ya elimu inavyojipata yenyewe katika upeo wa mtazamo usio na kifani. Elimu ya Kikristo inavuka ardhi ambayo haijachunguzwa, iliyo na mabadiliko ya kianthropolojia na kiutamaduni, ambayo bado tunatafuta majibu katika mwanga wa Neno la Mungu. Wakati huo huo tunakusanya uzoefu mzuri ambao familia nyingi hupitishwa kwetu, ambazo shule, jumuiya za parokia, vyama na ualimu wenyewe hupitishwa kwetu. Kuna mambo mengi ya dharura leo, lakini moja ya mambo haya ya dharura ni - kutumia usemi wao - "waelimishaji wenye mioyo mikubwa ... katika njia yenye utata wa kutokea. Na wanajua jinsi ya kutoka kwenye labyrinth? Kamwe wasitoke peke yake.Na pili, kutoka juu. Kutoka katika labyrinth unatokea kutoka juu na kamwe siyo peke yako.

Mkuano wa Papa na Harakati ya chaka cha Matendo ya Kikatoliki ya Vijana

Papa alisema: “Katika Kongamano ambalo mnapitia siku hizi mmeongeza dhamira yenu ya kuendeleza wazo na mazoezi ya elimu ambayo yanamweka mtu katikati, thamani yake ya lazima na hadhi yake ya asili, ili iwe daima na katika hali yoyote kamwe isipuuzwe wala kupunguzwa kwa njia, kwa sababu yoyote. Elimu kama mpango wenu mnavyosema "ambayo inatusaidia kujiingiza tena, kukuza mambo ya ndani, upitaji mipaka, hali ya kiroho, kama vitu muhimu kwa ukuaji kamili wa mwanadamu, katika nyanja zake zote: iwe mwelekeo wa kiroho, uwepo, hisia, kiutamaduni na kijamii, kisiasa".  Huu ndio mtazamo sahihi kabisa wa kuendeleza njia ya Harakati yenu. Na kwenda mbele! Msivunjike moyo. Tukiangalia basi kwenye Jubilei ijayo, wakati wa kupanda tumaini kwa sababu sote tuna hitaji muhimu la tumaini, ningependa kuwaachia maagizo ya mwisho: kuzingatia sana watoto na vijana. Lazima tuwaangalie kwa uaminifu, kwa huruma,na zaidi kuwataza kwa macho na moyo wa Yesu."

Mkutano wa papa na Washiriki wa Kongamano la Elimu kwa vijana katoliki

Wao ni wakati uliopo na ujao wa ulimwengu na wa Kanisa. Tuna kazi ya elimu ya kusindikizana nao, kuwaunga mkono, kuwatia moyo na kwa ushuhuda, kuwaonesha njia sahihi inayoongoza kuwa ndugu wote" kwa wale wanaopenda kuelimika, msisahau hili. 'Nani anapenda kuelimisha,' lilikuwa jina la kitabu kilichohamasishwa na  Chama Katoliki cha Matendo ya vijana miaka michache iliyopita: ni kigezo cha akili na chenye matumaini cha kuzingatia katika shughuli zako zote. Kupitia michakato ya kielimu tunadhihirisha upendo wetu kwa wengine, kwa wale walio karibu nasi au waliokabidhiwa kwetu; na, wakati huo huo, ni muhimu kwamba elimu iwe na msingi, katika njia na madhumuni yake, juu ya upendo. Bila upendo huwezi kuelimisha. Daima tujifunze kwa upendo!" Papa amewakabidhi kwa maombezi ya Matakatifu Giuseppe Lazzati, mwalimu na shahidi anayeaminika, kielelezo cha mwalimu wa Kikristo wa kupata msukumo kutoka kwake.