தவக்காலத்திற்கான இயேசு சபை பணியமைப்பின் புதிய பரப்புரை!

செல்வராஜ் சூசைமாணிக்கம் - வத்திக்கான்

JM (Jesuit Missions) எனப்படும் இயேசு சபை பணிகள் அமைப்பு, அண்மையில் 'Mission to Hope' என்ற தலைப்பில் அதன் தவக்கால பரப்புரையைத் தொடங்கியுள்ளது என்றும், இது மடகாஸ்கரில் உள்ள சுற்றுச்சூழல் படிப்புகள் முதல் இந்தியாவில் உள்ள மறுவாழ்வு மையங்கள் வரை பல்வேறு வெளிநாட்டுத் திட்டங்களில் கவனம் செலுத்துகிறது என்றும் ICN செய்தி நிறுவனம் தெரிவித்துள்ளது.

திட்டங்களில் பணிபுரிபவர்களிடமிருந்தும் பயனடைபவர்களிடமிருந்தும் தனிப்பட்ட சான்றுரைகள் JM இணையதளத்தில் படிக்கக் கிடைக்கின்றன என்றும், மேலும் ஒவ்வொரு வாரமும் தவக்காலம் முழுவதும், அதன் சமூக ஊடகத் தளங்களில் ஒரு சிறப்பு சுயவிவரம் இருக்கும் என்றும் அச்செய்திக் குறிப்பில் தெரிவிக்கப்பட்டுள்ளது.

இந்தப் பரப்புரையில் 'Virtual Prayer Board' என்ற அமைப்பொன்று உள்ளது என்றும், அங்கு ஆதரவாளர்கள் JM ஊழியர்கள் மற்றும் கூட்டாளர்களுக்காக செபங்களை அனுப்பலாம் என்று அதில் கூறப்பட்டுள்ளது.

மார்ச் 19, செவ்வாய்க்கிழமை, இனிகோ ஆன்மிக வலைப்பின்னல்களுடன் இணைந்து 'நிகழ்நிலை இறைவேண்டல் விழிப்புணர்வை' JM நடத்துகிறது என்றும், இது அனைத்துலக கூட்டாளர்களின் இறைவேண்டல்கள் மற்றும் வாசிப்புகள் மற்றும் இங்கிலாந்தில் உள்ள இயேசு சபைப் பள்ளிகளின் இசை மற்றும் பாடலைக் கொண்டிருக்கும் என்றும் அச்செய்திக் குறிப்பில் மேலும் கூறப்பட்டுள்ளது.

Jesuit Missions, Inc. என்பது 501c3, இயேசு சபையின் அனைத்துலகப் பணிகளுக்கு நிதி உதவி மற்றும் மானியங்களை வழங்குகிறது. Jesuit Missions, Inc. அமைப்பானது அமெரிக்காவில் உள்ள இயேசு சபை மறைமாநிலங்களை உள்ளடக்கியது.