நேர்காணல் - தூய திருமுழுக்கு யோவானின் பிறப்புப் பெருவிழா

மெரினா ராஜ் - வத்திக்கான்

மனிதராய்ப் பிறந்தவர்களுள் திருமுழுக்கு யோவானை விடப் பெரியவர் ஒருவருமில்லை என்று  நமதாண்டவர் இயேசுவால் வாயாரப் புகழப்பட்டவர் திருமுழுக்கு யோவான்.  இயேசுவிற்கான வழியை ஆயத்தம் செய்து அவர் பணியினை சிறப்பாக செய்ய உதவியர். இயேசு இறைமகன் என மக்களுக்குச் சுட்டிக்காட்டியவர். ஆண்டவரின் கைவன்மையையும், மன வலிமையையும், கொண்டிருந்த தூய திருமுழுக்கு யோவானின் பிறப்பு பெருவிழாவை முன்னிட்டு இன்றைய நமது நேர்காணலில் அவரைப் பற்றிய கருத்துக்களை நம்முடன் பகிர்ந்து கொள்பவர் அருள்பணி ஜான் பீட்டர் சூசைபிரகாசம். வேலூர் மறைமாவட்டத்தை சார்ந்த அருள்பணி ஜான் பீட்டர் அவர்கள், 2005 ஆம் ஆண்டு ஏப்ரல் 20 ஆம் நாள் குருவாக அருள்பொழிவு பெற்றார். வேலூரில் உள்ள விண்ணேற்பு அன்னை பேராலயத்தில் அருள்பணியாளராகவும், இளையோர் பணி பொறுப்பாளராகவும் பணிபுரிந்துள்ளார்.

தற்போது அமெரிக்காவின் கலிஃபோர்னியாவில் உள்ள ஸ்டாக்டோன் மறைமாவட்டத்தில் பணியாற்றிக்கொண்டிருக்கும் அருள்பணி ஜான் பீட்டர் அவர்கள், அங்குள்ள மொதெஸ்தோ பள்ளியில் உள்ள சிற்றாலயப் பொறுப்பாளராகவும் பணியாற்றிக் கொண்டிருக்கிறார் தந்தை அவர்களை திருமுழுக்கு யோவானின் பிறப்பு பற்றிய கருத்துக்களை எடுத்துரைக்க எம் வத்திக்கான் வானொலி நேயர்கள் சார்பில் அன்புடன் அழைக்கின்றோம்.