திருஅவையில் யூபிலி ஆண்டு 2025 – யூபிலி ஆண்டிற்கான செபம்
மெரினா ராஜ் – வத்திக்கான்
ஒவ்வொரு யூபிலி ஆண்டும் ஒரு சிறப்பான செபம் திருத்தந்தை அவர்களால் திருஅவை மக்களுக்குக் கொடுக்கப்படுகின்றது. அவ்வகையில் இந்த யூபிலி 2025 ஆம் ஆண்டிற்கான செபத்தினை இன்றைய நம் நிகழ்வில் காணலாம்.
திருத்தந்தை பிரான்சிஸ் அவர்களால் எழுதப்பட்டு, அவரவர் மொழிகளில் மொழிபெயர்க்கப்பட்டு, 2023ஆம் ஆண்டு நவம்பர் மாதம் திருஅவையில் சிறப்பிக்கப்பட்ட கிறிஸ்து அரசர் பெருவிழா அன்று முதல், உலகெங்கிலும் உள்ள கிறிஸ்தவ மக்களால் யூபிலி ஆண்டிற்கான செபமானது செபிக்கப்பட்டு வருகின்றது.
யூபிலி 2025ஆம் ஆண்டிற்கான செபம்
விண்ணகத் தந்தையே,
உம் திருமகனும் எம் சகோதரருமான இயேசு கிறிஸ்துவில்
நீர் எங்களுக்கு வழங்கிய நம்பிக்கையும்
தூய ஆவியார் வழியாக எங்கள் இதயங்களில்
நீர் பற்றியெரியச் செய்த பிறரன்புச் சுடரும்
உமது அரசின் வருகைக்கான எதிர்நோக்கை
எங்களில் தட்டி எழுப்புவனவாக!
நற்செய்தியின் விதைகளை நாளும் வளர்த்தெடுக்கும்
நல்லோராய் உம் அருள் எம்மை மாற்றுவதாக!
தீமையின் ஆற்றல்கள் மறைந்து உம் மகிமையானது
நீடித்து ஒளிரும் பொருட்டு மானிட உள்ளங்களும்
முழு பிரபஞ்சமும் புதிய விண்ணகம் புதிய மண்ணகம்
நோக்கிய காத்திருத்தலில் மாற்றம் பெறுவனவாக!
யூபிலிக் கொண்டாட்டத்தின் அருள் விண்ணகச்
செல்வங்களுக்கான ஆர்வத்தை எதிர்நோக்கின்
திருப்பயணிகளாகிய எம்மில் தூண்டி எழுப்புவதாக!
அதே அருள் எம் மீட்பரின் மகிழ்ச்சியையும்
அமைதியையும் அகிலமெங்கும் அளிப்பதாக!
என்றென்றும் போற்றுதற்குரிய எம் கடவுளாகிய
உமக்கே மாட்சியும் புகழும்
இன்றும் என்றும் உரித்தாகுக! ஆமென்.
- திருத்தந்தை பிரான்சிஸ்
இந்த செய்தியை வாசித்ததற்கு நன்றி. நீங்கள் தொடர்ந்து எங்களது அண்மைச் செய்திகளைப் பெற விரும்பினால் “செய்தி மடல்” என்பதைத் தொட்டு பதிவுசெய்ய உங்களை அழைக்கின்றோம். இங்கே கிளிக் செய்யவும்
