உண்மையான ஆன்மிக ஆற்றல் மற்றும் அமைதி கொண்டவர் கர்தினால் Cordes

மெரினா ராஜ் - வத்திக்கான்

நீதிமான்களின் ஆன்மாக்கள் கடவுளின் கையில் உள்ளன. கடுந்தொல்லை எதுவும் அவர்களைத் தீண்டாது என்ற இறைவார்த்தைக்கேற்ப கர்தினால் PAUL JOSEF Cordes அவர்களின் ஆன்மா கடவுளின் கையில் உள்ளது என்றும், அவர்கள் நம்மைவிட்டுப் பிரிந்து சென்றது பேரழிவாகக் கருதப்பட்டாலும், அவர் அமைதியாக இளைப்பாறுகிறார் என்றும் கூறினார் கர்தினால் ஜொவான்னி பத்திஸ்தா ரே.

மார்ச் 18 திங்கள்கிழமை வத்திக்கான் தூய பேதுரு பெருங்கோவிலில் நடைபெற்ற மறைந்த கர்தினால் PAUL JOSEF Cordes அவர்களின் அடகச்சடங்கு வழிபாட்டுத் திருப்பலியில் ஆற்றிய மறையுரையின்போது இவ்வாறு கூறினார் கர்தினால்கள் அவையின் தலைவர் கர்தினால் ஜொவான்னி பத்திஸ்தா ரே.

மார்ச் 15 வெள்ளிக்கிழமை இறைபதம் சேர்ந்த கர்தினால் PAUL JOSEF Cordes அவர்களின் இறுதிச்சடங்குத் திருப்பலியானது வத்திக்கான் தூய பேதுரு பெருங்கோவிலில் நடைபெற்றது. கர்தினால் Giovanni Battista Re திருப்பலியை நிறைவேற்றினார்.

திருப்பலியின் இறுதியில் திருத்தந்தை பிரான்சிஸ் அவர்கள் இறுதிச்சடங்கு வழிபாட்டு நிகழ்வுகளுக்குத் தலைமை தாங்கி மறைந்த கர்தினால் அவர்களின் ஆன்ம இளைப்பாற்றிக்காக செபித்தார்.      

தனது 89 ஆவது வயதில் இறைபதம் சேர்ந்த கர்தினால் PAUL JOSEF Cordes அவர்கள், நீண்ட காலமாக உடல்நலக் குறைபாடுகள் காரணமாகத் தனது ஆற்றல்களை இழந்த போதிலும், உண்மையான ஆன்மிக ஆற்றல் மற்றும் அமைதியுடன் அதனை ஏற்றுக்கொண்டவர் என்றும் கூறினார்.  

திருத்தந்தையின் டுவிட்டர் குறுஞ்செய்தி 

# இறைவேண்டல் ஆண்டு

செபம் நமது கோபத்தைத் தணித்து, அன்பை ஆதரித்து, மகிழ்ச்சியை அதிகரித்து, மன்னிக்கும் வலிமையை வளர்த்து நம்மை மாற்றுகின்றது.