பராகுவே அப்போஸ்தலிக்கத் தூதுவர் ஆயர் திருநிலைப்பாட்டுத் திருப்பலி

மெரினா ராஜ் – வத்திக்கான்

பராகுவே மறைமாவட்டத்திற்கான புதிய ஆயராகத் தேர்ந்தெடுக்கப்பட்டுள்ள பேரருள்திரு வின்சென்ஸொ தூர்துரோ அவர்களின் ஆயர் திருநிலைப்பாட்டு நிகழ்வானது மார்ச் 9 சனிக்கிழமை வத்திக்கான் தூய பேதுரு பெருங்கோவிலில் நடைபெற்றது.

திருப்பீடச்செயலர் கர்தினால் பியத்ரோ பரோலின் அவர்கள் தலைமையேற்று நடத்திய இத்திருப்பலியில் திருத்தந்தை பிரான்சிஸ் அவர்கள் பங்கேற்றார்.  

பேராயர் Eliseo Antonio Ariotti அவர்களுக்குப் பதிலாக, புதிய  ஆயராக பராகுவேயின் அப்போஸ்தலிக்கத் தூதுவராக தேர்ந்தெடுக்கப்பட்டுள்ள 45 வயதான பேரருள்திரு வின்சென்சோ தூர்துரோ அவர்கள், திருத்தந்தை அவர்களால் ஆயர் நிலைக்கு உயர்த்தப்பட திருவழிபாட்டு நிகழ்வானது ஏராளமான ஆயர்கள், அருள்பணியாளர்கள் மற்றும் இறைமக்கள் பங்கேற்புடன் வத்திக்கானில் நடைபெற்றது.

இத்தாலியின், பாரி மறைமாவட்டத்தில் உள்ள பிஷேலியேவில் பிறந்த பேரருள்திரு வின்சென்ஷோ தூர்துரோ அவர்கள், கடந்த டிசம்பர் மாதம் திருத்தந்தை அவர்களால் தென் அமெரிக்காவின் பராகுவே பகுதிக்கு அப்போஸ்தலிக்கத் தூதுவராக நியமிக்கப்பட்டார். தற்போது வத்திக்கானின் மாநிலங்கள் மற்றும் பன்னாட்டு அமைப்புக்களின் உறவுகளுக்கான பிரிவில் பணியாற்றிக் கொண்டிருக்கின்றார்.

புதிய அப்போஸ்தலிக்க தூதுவர் 2003 ஆம் ஆண்டு அக்டோபர் 31 அன்று Molfetta-Ruvo-Giovinazzo-Terlizzi மறைமாவட்ட அருள்பணியாளராகத் திருப்பொழிவு பெற்றவர்.

2006ஆம் ஆண்டு இறையியலில் முதுகலைப் படிப்பையும், 2009ஆம் ஆண்டு முனைவர் பட்டத்தையும் பயின்ற இவர், 2011 ஆம் ஆண்டு திருஅவை சட்டத்தில் முதுகலைப் பட்டமும் பெற்றார். 2009 முதல் 2012 வரை ஷிம்பாப்வே அப்போஸ்தலிக்க தூதுவராகவும்,

2012 மார்ச் மாதத்தில் நிகராகுவா, 2015இல் அர்ஜெண்டினா பகுதியில் பணியாற்றிய ஆயர் வின்சென்ஷோ அவர்கள், 2019ஆம் ஆண்டு முதல் திருப்பீடச்செயலர் கர்தினால் பியத்ரோ பரோலின் அவர்களின் தனிப்பட்ட செயலராகப் பணியாற்றி வருபவர்.