வத்திக்கானில் திருத்தந்தையுடன் C-9 கர்தினால்கள் அவை கூட்டம்

கிறிஸ்டோபர் பிரான்சிஸ் - வத்திக்கான்

அனைத்துலக திருஅவையின் நிர்வாகத்தில் துணைபுரியவும், தலைமை நிர்வாகத் துறைகளை சீரமைக்கவும் என 2013ஆம் ஆண்டு திருத்தந்தை பிரான்சிஸ் அவர்களால் துவக்கப்பட்ட C-9 கர்தினால்கள் அவை ஏப்ரல் 15 திங்கள் வத்திக்கானில் திருத்தந்தையுடன் தன் கூட்டத்தை துவக்கியது.

திருஅவையை வழி நடத்தும் பொறுப்பை 2013ஆம் ஆண்டு மார்ச் மாதம் 19ஆம் தேதி ஏற்ற திருத்தந்தை பிரான்சிஸ் அவர்கள், அவ்வாண்டே செப்டம்பர் மாதம் 28ஆம் தேதி C-9 என்ற கர்தினால்களின் உயர்மட்ட அவையை உருவாக்கி அக்டோபர் மாதம் முதல்தேதி அதன் முதல் கூட்டத்தை வழிநடத்தினார்.

கடைசியாக இவ்வாண்டு பிப்ரவரி 5 முதல் 7 வரை நடத்தப்பட்ட C-9 கூட்டத்தில் உலக ஆயர் மாமன்றத்திற்கான தயாரிப்புக்கள், நற்செய்தி அறிவிப்புப் பணிகள் போன்றவை குறித்து விவாதிக்கப்பட்டன.

கடந்த ஆண்டு மார்ச் மாதம் 7ஆம் தேதி கொணரப்பட்ட புதிய விதிகளின்படி வடிவமைக்கப்பட்ட C-9 கர்தினால்கள் அவை, திருப்பீடச் செயலர், கர்தினால் பியெத்ரோ பரோலின்; வத்திக்கான் நகர நிர்வாக ஆளுநர், கர்தினால் Fernando Vérgez Alzaga; Kinshasa பேராயர், கர்தினால் Fridolin Ambongo Besungu; மும்பை பேராயர், கர்தினால் ஆஸ்வால்டு கிரேசியாஸ்; பாஸ்டன் பேராயர், கர்தினால் Seán Patrick O'Malley; பர்ச்சலோனா பேராயர், கர்தினால் Juan José Omella Omella; கியூபெக் பேராயர், கர்தினால் Gérald Lacroix; லக்ஸம்பர்க் பேராயர், கர்தினால் Jean-Claude Hollerich; பிரேசில் நாட்டு கர்தினால் Sérgio da Rocha ஆகியோரை அங்கத்தினர்களாகக் கொண்டுள்ளதுடன், ஆயர் Marco Mellino அவர்களை செயலராகவும் கொண்டுச் செயல்படுகிறது.