நலமான அரசியல் மட்டுமே செயற்கை நுண்ணறிவை கட்டுப்படுத்தமுடியும்!

செல்வராஜ் சூசைமாணிக்கம் - வத்திக்கான்

மிகவும் மாறுபட்ட துறைகள் மற்றும் திறன்களை உள்ளடக்கிய நலமான அரசியல் மட்டுமே செயற்கை நுண்ணறிவு என்னும் இந்தச் செயல்முறையை மேற்பார்வையிடும் திறனைப் பெறமுடியும் என்று கூறினார் திருத்தந்தை பிரான்சிஸ்.

ஜூன் 14, இவ்வெள்ளியன்று, இத்தாலியில் நடைபெறும் G7 உச்சிமாநாட்டில் பங்கேற்கும் உலகத் தலைவர்களுக்கு வழங்கிய உரையில் இவ்வாறு தெரிவித்த திருத்தந்தை பிரான்சிஸ் அவர்கள், செயற்கை நுண்ணறிவு மற்றும் அதன் தாக்கங்கள் குறித்து தனது சிந்தனைகளைப் பகிர்ந்துகொண்டார்.

"ஞானம், அறிவுக்கூர்மை, அனுபவம், தொழில் திறமை அனைத்தும் உண்டாகுமாறு அவரை இறை ஆவியால் நிரப்பியுள்ளார்" (காண்க விப 35:31) என்ற இறைவார்த்தையை மேற்கோள்காட்டி தனது உரையைத் தொடங்கிய திருத்தந்தை, அறிவியலும் தொழில்நுட்பமும் மனிதர்களின் படைப்புத் திறனின் சிறந்த தயாரிப்புகளாகும் என்றும் எடுத்துக்காட்டினார்.

உண்மையில், செயற்கை நுண்ணறிவு என்பது துல்லியமாக, கடவுளால் கொடுக்கப்பட்ட படைப்பு திறனைப் பயன்படுத்துவதில் இருந்து எழுகிறது என்றும் கூறினார் திருத்தந்தை.

இயந்திரம் நன்கு வரையறுக்கப்பட்ட அளவுகோல்கள் அல்லது புள்ளிவிவர அனுமானங்களின் அடிப்படையில் பல சாத்தியக்கூறுகளில் ஒரு தொழில்நுட்ப தேர்வை செய்கிறது என்று உரைத்துள்ள திருத்தந்தை பிரான்சிஸ் அவர்கள், இருப்பினும், மனிதர்கள் தேர்வு செய்வது மட்டுமல்லாமல், அவர்களின் இதயங்களில் தீர்மானிக்கும் திறன் கொண்டவர்கள் என்றும் சுட்டிக்காட்டினார்.

செயற்கை நுண்ணறிவுத் திட்டங்களால் செய்யப்படும் தேர்வுகளின் மீது சரியான மனிதக் கட்டுப்பாட்டிற்கான இடத்தை நாம் உறுதிசெய்து பாதுகாக்க வேண்டும், ஏனென்றால்,  மனித மாண்பு என்பது அதையே சார்ந்துள்ளது என்று தெரிவித்தார் திருத்தந்தை.

செயற்கை நுண்ணறிவு குறிப்பிட்ட சிக்கல்களைத் தீர்ப்பதற்காக இந்த வழியில் வடிவமைக்கப்பட்டுள்ளது என்று எடுத்துக்காட்டிய திருத்தந்தை,  ஆயினும்கூட, அதைப் பயன்படுத்துபவர்களுக்கு, அது வழங்கும் குறிப்பிட்ட தீர்வுகளிலிருந்து பொதுவான அல்லது மானுடவியல், விலக்குகளை வரைய ஒரு தவிர்க்கமுடியாத சலனம் அடிக்கடி உள்ளது என்பதையும் குறிப்பிட்டார்.

அதிநவீனமாக இருந்தாலும் இல்லாவிட்டாலும், செயற்கை நுண்ணறிவு திட்டங்கள் வழங்கும் பதில்களின் தரம் இறுதியில் அவை பயன்படுத்தும் தரவு மற்றும் அவை எவ்வாறு கட்டமைக்கப்படுகின்றன என்பதைப் பொறுத்தான் அமைகிறது என்பதையும் விளக்கினார் திருத்தந்தை.

இறுதியாக ஆக்கமுறை செயற்கை நுண்ணறிவு (Generative Artificial Intelligence) பற்றி குறிப்பிட விரும்புவதாகக் கூறிய திருத்தந்தை, இன்றைய சூழலில் மாணவர்கள் எவ்வாறு இதனைப் பயன்படுத்திக்கொள்கின்றனர் என்பதையும் எடுத்துக்காட்டுகளுடன் விளக்கினார்.

கல்வி என்பது மாணவர்களுக்கு உண்மையான சிந்தனைகளுக்கான வாய்ப்பை வழங்க வேண்டும், ஆனால் அது மீண்டும் மீண்டும் கருத்துக்களுக்குக் குறைக்கப்படும் ஆபத்தை இயக்குகிறது என்றும், இது அவர்களின் தொடர்ச்சியான மறுபரிசீலனையின் காரணமாக ஆட்சேபனையற்றதாக மதிப்பிடப்படும் என்றும் எடுத்துக்காட்டினார் திருத்தந்தை.

மனிதகுலத்தின் மீதான செயற்கை நுண்ணறிவின் விளைவுகள் பற்றிய சிந்தனைகள் நலமான அரசியலின் முக்கியத்துவத்தைக் கருத்தில் கொள்ள நம்மை வழிநடத்துகிறது என்றும், இதனால் நமது எதிர்காலத்தை நம்பிக்கையுடனும் உறுதியுடனும் பார்க்க முடியும் என்றும் உரைத்தார் திருத்தந்தை.

அடிப்படை சீர்திருத்தம் மற்றும் பெரிய புதுப்பித்தல் வழியாக நிறைய மாற்றங்களைக் கொண்டுவர வேண்டும் என்றும் வலியுறுத்திய திருத்தந்தை, மிகவும் மாறுபட்ட துறைகள் மற்றும் திறன்களை உள்ளடக்கிய நலமான அரசியல் மட்டுமே இந்த செயல்முறையை மேற்பார்வையிடும் திறனைப் பெற முடியும் என்றும் நம்பிக்கை தெரிவித்து தனது உரையை நிறைவு செய்தார் திருத்தந்தை.