மெஜுகோர் மரியன்னை குறித்த செய்தியாளர் சந்திப்பை நடத்துகிறது வத்திக்கான்

செல்வராஜ் சூசைமாணிக்கம் – வத்திக்கான்

செப்டம்பர் 19, வரும் வியாழனன்று, மெஜுகோர் மரியன்னைத் திருத்தலத்திற்கு வரும் திருப்பயணிகளின் ஆன்மிக அனுபவங்களை மையமாகக் கொண்ட செய்தியாளர் சந்திப்பு ஒன்றை நடத்தவிருப்பதாகவும், இது YouTube- இல் நேரடியாக ஒளிபரப்பப்படும் என்றும் தெரிவித்துள்ளது திருப்பீடச் செய்தித் தொடர்பகம்.  

உரோமை நேரப்படி காலை 11.30 மணிக்கு திருப்பீடச் செய்தித் தொடர்பக அலுவலகத்தில் இடம்பெறும் இந்தச் செய்தியாளர் சந்திப்பின்போது, மெஜுகோர் திருத்தலத்தில் உள்ள திருப்பயணிகளின் ஆன்மிக அனுபவங்கள் விவாதத்தின் முக்கிய தலைப்பாக இருக்கும் என்றும் தெரிவிக்கிறது அச்செய்திக் குறிப்பு.

செய்தியாளர் சந்திப்பின்போது, ​​விசுவாச கோட்பாட்டுத் துறையின் தலைவர் கர்தினால் விக்டர் மானுவல் பெர்னாண்டஸ், அதன் செயலர் Armando Matteo, திருப்பீடத் தகவல் தொடர்பு அவையின் செய்திப் பிரிவு இயக்குனர் முனைவர் அந்த்ரேயா தொர்னியெல்லி ஆகியோருடமிருந்து செய்தியாளர்கள் தங்களுக்கான கருத்துக்களைப் பெறுவார்கள் என்றும் அச்செய்திக் குறிப்பில் கூறப்பட்டுள்ளது.