பேராயர் Gallagher அவர்களுக்கு கௌரவ முனைவர் பட்டம்

ஜெர்சிலின் டிக்ரோஸ் – வத்திக்கான்

Cameroon மத்திய ஆப்பிரிக்க கத்தோலிக்க பல்கலைக்கழகத்தில் பேராயர் Paul Richard Gallagher அவர்களுக்கு கௌரவ முனைவர் பட்டம் வழங்க இருப்பதாக தெரிவிக்கப்பட்டுள்ளது.

கத்தோலிக்க திருஅவைக்கு நாட்டில் சட்ட உரிமை வழங்கும் ஒப்பந்தம் 2014ஆம் ஆண்டு, திருப்பீடத்திற்கும், ஆப்பிரிக்க நாடான Cameroonக்கும் இடையே கையெழுத்திடப்பட்டதன் பத்தாவது ஆண்டு நிறைவையொட்டி, வத்திக்கானின் வெளியுறவுத் துறைச் செயலர், பேராயர் Paul Richard Gallagher அவர்கள், Cameroonக்கு 5  நாள் பயணத்தைத் தொடங்கியுள்ளார்.

திருப்பீடச் செயலகத்தின் டுவிட்டர் பக்கத்தில் வெளியிட்டுள்ள செய்தியின்படி, பேராயர் பலக் கூட்டங்கள் மற்றும் நிகழ்வுகளில் பங்கேற்க உள்ளார் என்றும் தெரிவிக்கப்பட்டுள்ளது.

Cameroon ஆயர்களை நவம்பர் 14 அன்று    சந்தித்த பேராயர், அந்நாட்டின் வெளியுறவுத் துறை அமைச்சர் திரு Lejeune Mbella Mbella அவர்களையும், பிரதமர் Joseph Dion Ngute அவர்களையும் நவம்பர் 15ஆம் தேதி வெள்ளிக்கிழமை சந்தித்து உரையாடினார். 

நவம்பர் 16, சனிக்கிழமையன்று தலைநகர் Yaoundé ல் உள்ள Marie Reine des Apôtres de Mvolye பேராலயத்தில்  பேராயர் கல்லகர் திருப்பலி நிறைவேற்றுவார் என்றும், பேராயர் அவர்களை  குடியரசுத் தலைவர் Paul Biya  அவர்கள் வரவேற்கவிருப்பதாகவும் தெரிவிக்கப்பட்டுள்ளது.

இறுதி நிகழ்வாக தலைநகர்  Yaoundéல் உள்ள மத்திய ஆப்பிரிக்காவின் கத்தோலிக்க பல்கலைக்கழகத்தில் பேராயர்  Gallagher உரையாற்றுவார் என்றும், அங்கு அவருக்கு கௌரவ முனைவர்  பட்டம் வழங்கப்படும் என்றும் தெரிவிக்கப்பட்டுள்ளது.