உக்ரைனில் நடந்த தாக்குதலில் 5 குழந்தைகள் காயம்!

செல்வராஜ் சூசைமாணிக்கம் - வத்திக்கான்

உக்ரைனின் Karkiv மற்றும் Kherson பகுதியில் நடந்த தாக்குதலில் மொத்தம் 5 குழந்தைகள் காயமடைந்துள்ளதாக மே 8, இப்புதனன்று, தனது எக்ஸ் தள பக்கத்தில் தெரிவித்துள்ளது அந்நாட்டிற்கான  யுனிசெப் நிறுவனம்.

மே 5, இஞ்ஞாயிறன்று, உக்ரைனின் உயிர்ப்புப் பெருவிழா விடுமுறையின்போது (ஆர்த்தடாக்ஸ் கிறிஸ்தவர்கள் மே 5 சிறப்பித்தனர்) கார்கிவ் பகுதியில் உள்ள குடும்பங்கள் 4 குழந்தைகள் காயமடைந்ததற்கு காரணமான இந்தத் தாக்குதலால் பெரிதும் அதிர்ச்சியடைந்தனர் என்றும் அச்செய்திக் குறிப்பில் தெரிவிக்கப்பட்டுள்ளது.

மேலும் கெர்சன் பகுதியில்  நடந்த மற்றொரு தாக்குதலில் 1 குழந்தை காயமடைந்ததாகவும், இரு பகுதிகளிலும் பள்ளி மற்றும் நலப் பணிகள் பாதிக்கப்பட்டதாகவும் கூறும் அச்செய்தி, தாக்குதலின்போது பொதுமக்களும் குழந்தைகளும் இலக்காகக் கொள்ளப்படக் கூடாது என்றும் அறிவுறுத்தியுள்ளது.