ቬነዙዌላ ሕዝባዊ ምርጫ፥ ኣብ ሞንጎ ፖለቲካዊ ዘይርጉጽነትን ተስፋ ዕርቂን

ስምዖን ተ. ኣርኣያ - ሃገረ ቫቲካን

“ቻቪዝነት” ኣብ መወዳእታ ዑደቱ ድዩ ዘሎ? ድሕሪ 25 ዓመታት ንፈለማ እዋን ቬንዙዌላ ብዓይኒ ምርጫን ፖለቲካን ርኡይ ዘይኮነ ዘይርጉጽነት የጋጥማ ምህላዉ መብዛሕቲኦም ናይ ላቲን ኣመሪካ ፖለቲካ ተንተንቲ ኣብ ዘመላኽትሉ ዘሎ እዋን ዕለት 28 ሓምለ፡ እቲ መጻኢ መንግስቲ ገና ብኒኮላስ ማዱሮ ክምራሕ ድዩ ኣይምራሕን ንምውሳን ልዕሊ 21 ሚልዮን መራጽቲ ድምጾም ከም ዝሃቡን - ካብ 2013 ዓ.ም. ጀሚሩ ኣብ ስልጣን ዘሎ፡ ድሕሪ ሞተ ርእሰ ብሔር ሁጎ ቻቨዝ ዝተመርጸ መራሒ ፖለቲካዊ ወድብ ማሕበርነት ንሓድነት ቨነዝወላ ርእሰ ብሔር ኮይኑ፡ ከቐጽል ወይ ድማ ኣብ ክንድኡ፡ ነቲ ኣብቲ ምርጫ ሕጹይ ኮይኑ ንዝቐረበ ወዲ ሰብዓን ኣርባዕተን ዓመት ዝዕድሚኡ እንኮ ሕጹይ ዘለለየ ዲሞክራስያዊ ሓድነት ፖለቲካዊ ወኪሉ ነታ ብምሕደራዊ ዘይምዕሩይነት ተኸሲሳ ንዝቕጽል 15 ዓመት ኣብ ምርጫ ንኸይተቐርብ ንዝተበየና ማሪያ ኮሪና ማቻዶ ተኪኡ ንዝቐረበ ኤድሙንዶ ጎንዛለዝ ኡሩትያ ክመርጽ ድዩ ድሕሪ ቆጸራ ድምጺ ዝፍለጥ ይኸውን።

ሓይሊ ጎንዛለዝ

ጎንዛለዝ ንፖለቲካ ጓናን: ኣብ መወዳእታ ወርሒ ሚያዝያ ጥራይ፡ ሕጹይነቱ ምስ ተኣወጀ ነዊሕ ከይጸንሐ፡ ኣብ ፖለቲካዊ መድረኽ ዝኣተወን ምናልባት ኣብዚ እዋን’ዚ ልክዕ ኣብ ዝሓለፈ ፖለቲካዊ መድርኽ እታ ሃገር ኢድ ዘይነበሮ ብምዃኑ እዚ ድማ ሰፊሕ ተቐባልነት ክህቦ ከም ዝኽእል ግምት ከም ዘሎን ትካላት ትንበያታት 27% ህዝባዊ ተቐባልነት ክህልዎ ከም ዝኽእል ክሕብራ እንከለዋ ናይ ሕቡራት መንግስታት ኣመሪካ ተንተንቲ ድማ ካብ 56% ክሳብ 35% ድምጺ ክረክብ ይኽእል ዝብል ግምት የቕርባ።

ማሕበረ-ቁጠባዊ ቅልውላው

ቬንዙዌላ ዝተሓላለኸ ቁጠባውን ማሕበራውን ኩነታት ትሓልፍ ኣላ - ብሰንኪ ኣብ መወዳእታ 2023 ዓ.ም. ዘጋጠማ ዳርጋ ናብ 200% ዝቀራረብ ዝቕባበ ቁጠባ ኣብ መንጎ ዕዳ መንግስቲን ምስ ሓፈሻዊ ውሽጣዊ ፍርያት ክነጻጸረ እንከሎ ልዕሊ 326% እዚ ልዕሊ 33 ሚታዊ ሽቕለት ኣልቦነት ከምኡ’ውን ጽኑዕ ስርዓት እገዳ ኣመሪካ ኣብ ልዕሊ ነዳድን ጋዝን እታ ሃገር፡ ንልዕሊ 7 ሚልዮን ሰባት ካብታ ሃገር ክሃድሙ ከም ዝደረኸን። እዚ ከምዚ ኢሉ እንከሎ "ምልክታት ዕድላትን ምምሕያሻትን” ከም ዘሎን ጸብጻባት ከም ዝሕብርዎ ኣብ ወርሒ ሰነ 2024 ዓ.ም. ዝቕባበ ዋጋታት ብዓቢኡ ከም ዝነከየን፡ ኣብዚ ዓመት እዚ ዕብየት ኤኮኖሚ ናብ 4% ዝቐራረብ ክኸውን ከም ዝኽእል ይፍለጥ። ብኻልእ ኣዘራርባ፡ ቬንዙዌላ ኣብ ንጹር ናይ ለውጢ ህሞት ትርከብ።