Corpus Domini, kremtimi kthehet në Bazilikën Lateranense

R. SH. - Vatikan

Tradita rikthehet në kremtimin e lashtë, pas një sërë arsyesh të rastit, që e ndryshuan, duke nisur nga viti 2018. Atë vit Papa nuk deshi ta kremtonte Korpin e Krishtit në Bazilikën Lateranense, si deri atëherë, por në periferinë romake të Casal Bertones e, një vit më pas, në Ostia, me procesionet e kryesuara nga kardinali i atëhershëm Angelo De Donatis, emëruar  një muaj më parë  kryependestar.

Ndërmjet Covid-it dhe shëndetit

Më pas, nga viti 2020, ishin pengesë kufizimet e vendosura nga pandemia, e më pas akoma, shëndeti i Françeskut, që kërkonin ndryshime të mëtejshme në vitet 2020 dhe 2021, me meshën e kremtuar në Shën Pjetër   në atmosferën e emergjencës shëndetësore, me praninë e një numri shumë të vogël besimtarësh. Ndërsa në vitet 2022 dhe 2023 u anulua  vetë liturgjia, në rastin e parë për shkak të dhimbjes së gjurit që pësoi Françesku, ndërsa vitin e kaluar, për shkak të shtrimit të Atit të Shenjtë në Gemelli, pas operacionit abdominal.

Programi i këtij viti

Sivjet Solemniteti do kthehet në listën e kremtimeve papnore, të cilën mjeshtri i ceremonive, ipeshkvi Diego Ravelli, e përditësoi dje, më 4 maj, duke njoftuar se të dielën, më 2 qershor, në orën 17:00, Françesku do të kryesojë liturgjinë solemne në Bazilikën e Shën Gjonit në Lateran. E, pas përfundimit të Meshës, do të rikthehet edhe procesioni drejt Bazilikës së Shën Marisë së Madhe, nga ku do të jepet Bekimi Eukaristik.