ርዕሰ ሊቃነ ጳጳሳት ለሮማ ሮታ፡- የመሻር ጉዳዮችን 'በጸሎት ተንበርክከው' እንዲወስኑ ጥሪ አቀረቡ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

የሮማን ሮታ ፍርድ ቤት በቫቲካን የቅድስት መንበር ሥር የሚተዳደር እና የሮማን ኩሪያ ከሦስቱ የፍትህ አካላት አንዱ ነው። የቅድስት መንበር መደበኛ ፍርድ ቤት ነው። በሮም በፓላዞ ዴላ ካንቼለሪያ ውስጥ የተመሰረተ ነው፣ ነገር ግን በጥንት ጊዜ ዋና መሥሪያ ቤቱ በፓላዞ ፋርኔዜ በመባል በሚታወቀው ከተማ ውስጥ ነበር።

ሐሙስ ዕለት ጥር 16/2016 ዓ.ም ርዕሰ ሊቃነ ጳጳሳት ፍራንችስኮስ  የይግባኝ ሰሚ ፍርድ ቤት የቫቲካን የሮማን ሮታ ፍርድ ቤት ኃላፊዎች ንግግር አድርገዋል።

ርዕሰ ሊቃነ ጳጳሳቱ በቫቲካን የፍትህ የአዲስ አመት 2024 ዓ.ም የፍትህ ዘመን መጀመሩን ምክንያት በማድረግ ባደረጉት ንግግር ትዳርን በተመለከተ የመሻር ጉዳዮችን በሚመለከት በማስተዋል መንፈስ የተደገፈ የውሳኔ ሂደት ላይ ተወያይተዋል።

በፍትህ እና በምሕረት መካከል ስላለው ውጥረት፣ የጸሎት አስፈላጊነት ለዳኞች ሥራ እና በፍትህ ማስተዋል እና በሲኖዶሳዊነት መካከል ስላለው ጥብቅ ግንኙነት ተወያይተዋል።

የጸሎት ማዕከላዊነት

ርዕሠ ሊቃነ ጳጳሳት ፍራንችስኮስ “ያለ ጸሎት አንድ ሰው ዳኛ መሆን አይችልም” በማለት አጽንኦት ሰጥተው የተናገሩ ሲሆን በመቀጠልም “ማስተዋል ተንበርክኮ የመንፈስ ቅዱስን ስጦታ በመለመን እንደሚደረግ፣ በዚህ መንገድ ብቻ የግለሰቦችን እና የመላው ቤተ ክርስቲያንን ማህበረሰብ ጥቅም የሚያጎናጽፉ ውሳኔዎች ሊፈጸሙ ይችላሉ” ሲሉ አስምረውበታል።

ርዕሰ ሊቃነ ጳጳሳት ፍራንችስኮስ “እያንዳንዳችሁን እጠይቃለሁ፣ “ትጸልያላችሁ ወይ? ከቤተክርስቲያን ጋር እንደሆናችሁ ይሰማችዋል ወይ? የጌታን ብርሃን እየለመናችሁ በጸሎት ትሑት ናችሁ ወይ? ሲሉ ጥያቀ ያቀረቡት ቅዱስነታቸው “የዳኛ ጸሎት ለሥራው አስፈላጊ ነው። አንድ ዳኛ ካልጸለየ ወይም መጸለይ ባይችል ሄዶ ሌላ ሥራ ቢሠራ ይሻለው ነበር” ብለዋል።

ትልቅ ኃላፊነት

ርዕሰ ሊቃነ ጳጳሳቱ በመቀጠል የሮታ ሮማ ዳኞች የሚጠብቃቸውን ሃላፊነት አስፈላጊነት ላይ አጽንኦት ሰጥተዋል፣ እነዚህም በመደበኛ ፍርድ ቤቶች ሲከራከሩ መሻርን መወሰን አለባቸው ያሉ ሲሆን እንደዚህ ዓይነት ውሳኔዎችን ለማድረግ አስፈላጊውን "የሞራል እርግጠኝነት" ማሳካት ቀላል ስራ አይደለም ብለዋል ርዕሰ ሊቃነ ጳጳሳቱ።

የፍርድ ቤቱ ኃላፊዎች፣ ስለዚህ ውሳኔዎቹ “የግለሰቦችን እና ቤተሰቦችን ሕይወት ላይ በጎ ተጽዕኖ ስለሚያሳድሩ” የቤተክርስቲያኗ “ትልቅ ኃላፊነት” እንደተሰጣቸው ገልጿል።

እ.ኤ.አ. የ 2015 ትዳርን የመሻር ማሻሻያ

ርእሰ ሊቃነ ጳጳሳት ፍራንችስኮስ እ.አ.አ በ2015 ባደረጉት የማሻሻያ ሂደት ሂደቱን ለማፋጠን የተለያዩ እርምጃዎችን በመተግበሩ ላይ አስተያየታቸውን ሰጥተዋል። ይህ እርምጃ፣ “ችግር በሚፈጥሩ ሁኔታዎች ውስጥ ለምእመናን በምሕረት በመስጠት ላይ ነው ተነሳሽነቱን ያገኘው” ብሏል።

በተመሳሳይ ጊዜ ግን በተሳሳተ መንገድ ሊረዱት አይገባም፡ ዓላማው “የብቻን መፍረስ ሳይሆን የሂደቱን ፍጥነት” መደገፍ ነበር።

ፍትህ እና ምህረት

ይህም ርዕሰ ሊቃነ ጳጳሳት በጵጵስና ዘመናቸው ብዙ ጊዜ ወደ ዳሰሱት ጭብጥ በፍትህ እና በምህረት መካከል ስላለው ውጥረት እንዲወያዩ አድርጓቸዋል። በተለይ ‘ፍቅር በቤተሰብ ውስጥ’ በተሰኘው በሐዋርያዊ ማሳሰቢያቸው ላይ እንደ ጠቀሱት በቤተሰብ በሐዋርያዊ እንክብካቤ ሥራ ውስጥ የምሕረትን አስፈላጊነት ማድመቅ፣ በሚሻሩ ጉዳዮች ላይ ፍትህ ለማግኘት ያለንን ቁርጠኝነት አይቀንሰውም ብሏል።

ይልቁንም ቅዱስ ቶማስ አኩዊናስን በመጥቀስ “ምሕረት የፍትሕ ሙላት እንጂ ፍርድን አይወስድም” በማለት ተናግሯል።

የሲኖዶሱ ሁኔታ

በመጨረሻም ርዕሰ ሊቃነ ጳጳሳት ፍራንችስኮስ የፍርድ አሰጣጥ ሂደት በሲኖዶሳዊነት "የተደገፈ እና ዋስትና ያለው" መሆኑን አሳስበዋል። “የፍርድ ችሎቱ ሕብረት ያለው ከሆነ ወይም አንድ ዳኛ ብቻ ሲኖር ነገር ግን ከባለሥልጣናት ጋር ሲመካከር ማስተዋል የሚደረገው በውይይት ወይም በውይይት ድባብ እውነትን ለማግኘት በጋራ መፈለግ ነው” ብሏል።