ር.ሊ.ጳ ፍራንችስኮስ የውበት አገግሎት ማሕበር አባላት ‘የስምምነት አቀንቃኞች” እንዲሆኑ ጥሪ አቀረቡ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ርዕሰ ሊቃነ ጳጳሳት ፍራንችስኮስ የውበት አገልግሎት ማሕበር አባላት ትላንት ሐሙስ የካቲት 7/2016 ዓ.ም በቫቲካን አቀባበል አድርገውላቸዋል፣ ሰዎችን “የተለየ፣ የሚያምር ዓለም እንዲመኙ” እና “የተሟላ ሕይወት” እንዲመኙ እንዲሠሩ ጋብዘዋቸዋል።

ይህ “የውበት አገልግሎት ማሕበር” የፈረንሣይ ቡድን የተመሰረተው እ.አ.አ በ2012 ዓ.ም ስሆን በቤተክርስቲያኗ እና በኪነጥበብ ባለሙያዎች መካከል፣ ሰአሊያንን፣ ቀራፂያን፣ ሙዚቀኞችን፣ ገጣሚዎችን እና ሌሎችንም ጨምሮ በእነዚህ የኪነ-ጥበብ ባለሙያዎች መካከል የውይይት በር ለመክፈት ታስቦ የተመሰረተ ማሕበር ነው።

ቅዱስ አባታችን ርዕሰ ሊቃነ ጳጳሳት ፍራንችስኮስ ለውበት አገልግሎት ማሕበር አባላት ባደረጉት ንግግር የቡድኑን “ክስተት ተኮር” ትኩረት በስብሰባዎች፣ ኮንሰርቶች፣ ትርኢቶች እና መሰል ዝግጅቶች አርቲስቶች “ከቤተክርስቲያኗ ጋር ፍሬያማ የሆነ ውይይት” እንደገና እንዲመሰርቱ በመርዳት ላይ ያተኮረ ነበር።

አርቲስቶችን የመርዳት ጥሪ

ርዕሰ ሊቃነ ጳጳሳቱ በመቀጠል ስለ ሥራቸው መንፈሳዊ ገጽታ በመግለጽ አርቲስቶችን “በሰማይና በምድር መካከል ድልድይ ሆነው እንዲያገለግሉ” የመርዳት “ጥሪያቸውን” አጉልተው ተናግረዋል። እንዲህ ሲሉ አብራርተዋል፣ “እውነትን ፍለጋ በእነሱ ውስጥ መቀስቀስ ትፈልጋለህ… ምክንያቱም ውበት ወደ ሌላ አለም እንድንኖር ይጋብዘናል” ሲሉ የተናገሩት ርእሰ ሊቃነ ጳጳሳት ፍራንችስኮስ ቡድኑን በዓለም ዙሪያ የአርቲስቶች መኖሪያ በማቋቋም ለታወቁት “ፍሬያማ የሐዋርያዊ አገልግሎት” አመስግነዋል። “ተግዳሮታችሁ የተደበቀውን ውበት ማውጣት ነው” በማለት በአርቲስቶች ውስጥ - ህይወታቸው በብቸኝነት እና በስቃይ ብዙ ጊዜ የሚታያቸው - “በተራቸው ህይወትን፣ ተስፋን የሚፈጥር የውበት ሐዋርያ እንዲሆኑ እና የደስታ ጥማታቸውን እንዲያረኩ” ጋብዘዋል።

የሕብረት አቀንቃኞች

በመጨረሻም ርዕሰ ሊቃነ ጳጳሳት ፍራንችስኮስ የማኅበሩ አባላት በተለያዩ ሕዝቦች፣ ባሕሎችና ኃይማኖቶች መካከል “የስምምነት አቀንቃኞች” እንዲሆኑ ጋብዘዋል። በሁሉም ዓይነት ዓመጽ በተጨናነቀ ዓለም ውስጥ፣ “የተለየ፣ የሚያምር ዓለም አለ እንድንል የሚያደርጉን ወንዶችና ሴቶች ያስፈልጉናል” ብሏል።

በተመሳሳይ ጊዜ “ሥነ ጥበብ የተፈጥሮን ውበት መልእክት ለማስተላለፍ በጣም ኃይለኛ መሣሪያ ነው” በማለት “በሰው ልጅ እና በአካባቢ መካከል ስምምነትን መፍጠር” ያለውን “አስቸኳይ” አስፈላጊነት ጎላ አድርጎ ገልጿል።

ርዕሰ ሊቃነ ጳጳሳት ፍራንችስኮስ በማጠቃለያው “የውበት ባህል ያለማቋረጥ እንድንቀሳቀስ ያደርገናል” ብለዋል። "የእግዚአብሔርን ውበት ማግኘታችን እንደገና እንድንጀምር፣ እንደገና በአዲስ መልክ እንድንጀምር፣ ወደ ተጨማሪ ሰብአዊ እና ወንድማማች ማህበረሰቦች ጉዞ እንድንጀምር ያስችለናል” ካሉ በኋላ ቅዱስነታቸው ንግግራቸውን አጠናቀዋል።