ርእሰ ሊቃነ ጳጳሳት ፍራችስኮስ ‘የልብን ጥበብ በፍጹም አንርሳ’ ማለታቸው ተገለጸ!
ርዕሰ ሊቃነ ጳጳሳት ፍራንችስኮስ የሰው ልጅ እውነተኛ ሰብአዊ ግንኙነትን እንዲያዳብር የሚጋብዝ የዓለም የማህበራዊ ግንኙነት ቀን አከበሩ። ርዕሰ ሊቃነ ጳጳሳት ፍራንችስኮስ እሁድ ግንቦት 4/2016 ዓ.ም እለት 58ኛውን የዓለም የማህበራዊ ግንኙነት ቀን አክብረዋል፣ በአርቴፊሻል ኢንተለጀንስ (ሰው ሰራሽ አብርኾት) እየተስፋፋ ባለበት ዓለም “የልብ ጥበብን” ፈጽሞ እንዳንረሳው አስታውሰዋል።
የእዚህ ዝግጅት አቅራቢ መብራቱ ኃ/ጊዮርጊስ- ቫቲካን
የጎርጎሮሳዊያኑን የቀን አቆጣጠር በሚከተሉ የክርስቲያን ማሕበረሰቦች ዘንድ በግንቦት 4/2016 ዓ.ም ተክብሮ ያለፈው የዕርገት በዓል ላይ “የሰማይ ንግሥት ሆይ ደስ ይበልሽ፣ እንደ ተናገረው ከሙታን ተነስቷልና” የሚለውን ጸሎት ከምዕመናን ጋር በመቀባበል ከደገሙ በኋላ ባስተላለፉት መልእክት “የልብ ጥበብን በማገገም ብቻ የጊዜያችንን ፍላጎት መተርጎም እና ሙሉ በሙሉ የሰው ልጅ የመግባቢያ መንገድን እንደገና ማግኘት እንችላለን” ያሉ ሲሆን “ሰው ሰራሽ እውቀት እና የልብ ጥበብ፡ ወደ ፍፁም ሰው መግባባት” በሚል መሪ ቃል የተከበረውን እለት ያስተጋቡ ሲሆን በመገናኛ ብዙሃን መስክ የሚሰሩትን ሁሉ ለሥራቸው ማመስገን ቅዱስነታቸው አልዘነጉም።
መልካም የእናቶች ቀን
ርዕሰ ሊቃነ ጳጳሳቱም የእናቶች ቀንን አክብረዋል፣ እርሳቸውም “ዛሬ በብዙ አገሮች” የእናቶች ቀን እንደሚከበር ያስታወሱ ሲሆን እናቶችን ለሰማያዊቷ እናታችን ለማርያም ጥበቃ ከመስጠታቸው በፊት እና ለሁሉም እናቶች ታላቅ ጭብጨባ እንዲደረግ ከመጠየቃቸው በፊት "ሁሉንም እናቶች በማመስገን እናስብ እና ወደ መንግሥተ ሰማይ ለሄዱት እናቶች እንጸልይ" ብሏል።
13 May 2024, 14:11
