ርዕሰ ሊቃነ ጳጳሳት ፍራንችስኮስ ወጣቶችን ወደ ‘ደስታ እና ትክክለኛነት’ እንዲመለሱ ጋብዘዋል

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ቅዳሜ ግንቦት 16/2016 ዓ.ም፣ ርዕሰ ሊቃነ ጳጳሳት ፍራንችስኮስ በቫቲካን ምእመናንን፣ ቤተሰብን እና ሕይወትን የሚመለከተው የቅድስት መንበር ጽኃፈት ቤት በተዘጋጀው የዓለም አቀፍ የወጣቶች አገልግሎት ኮንግረስ ተሳታፊዎችን ተቀብለዋል።

በስብሰባው ከኤጲስ ቆጶሳት ጉባኤዎች፣ ማኅበራት እና ከተለያዩ የማኅበረ ቅዱሳን ንቅናቄዎች የተውጣጡ ወጣቶችን እና ልኡካንን አሰባስቧል።

ርዕሰ ሊቃነ ጳጳሳቱ እ.አ.አ በነሐሴ ወር 2025 ዓ.ም ስለሚከበረው የወጣቶች ኢዮቤልዩ እና ከሦስት ዓመታት በኋላ በሴኡል ስለሚከበረው የዓለም ወጣቶች ቀን (WYD) በማሰብ እነዚህ ሁለት ዓለም አቀፋዊ ጉልህ ክንውኖች “በተለምዶ የቤተ ክርስቲያን ምእመናን ያልሆኑትን ጨምሮ ብዙ ወጣቶችን ሊረዷቸው እንደሚችሉ ያላቸውን ተስፋ ገልጸዋል። ዋናው ዓላማው ኢየሱስን ለመገናኘት ነው ብለዋል።

የክርስቲያን ደስታ

ርዕሰ ሊቃነ ጳጳሳቱ በእነዚህ ዋና ዋና ክንውኖች ላይ በሚሠሩበት ጊዜ የወጣት አገልግሎት አባላትን ለዕለት ተዕለት ኑሮ፣ “ትንንሽ እርምጃዎችን፣ ትናንሽ ቁጥሮችን፣ ቀላል ቃላትንና ድርጊቶችን፣ የዕለት ተዕለት ውሳኔዎችን” አገልግሎትን በትኩረት እንዲከታተሉ መክረዋል።

“ጽሑፎቼን ለማስተዋወቅ ሳይሆን ደስ ይበላችሁ ሐሴት አድርጉ የተሰኘውን ሀዋርያዊ መልዕክቴን አንቡቡ!” በማለት ግብዣ ያቀረቡት ቅዱስነታቸው እ.አ.አ የ2018 የዕለት ተዕለት ሕይወት ቅድስናን አስመልክቶ ያቀረቡትን ሐዋርያዊ ማሳሰቢያ በመጥቀስ ርዕሠ ሊቃነ ጳጳሳቱ ይህንን ግብዣ አቅርበዋል።

የማስተዋል 'ሀብት'

ርዕሰ ሊቃነ ጳጳሳቱ በተጨማሪም መንፈሳዊ ማስተዋልን አጉልተው ገልጸዋል፣ ይህም የሐዋርያዊ አገልግሎት የሚሰጡ ሰዎች - ካህናት እና ገዳማዊያን/ዊያት፣ ካቴኪስቶች እና ራሳቸው ከሌሎች ወጣቶች ጋር የሚሰሩ ወጣቶች - መጀመሪያ መማር አለባቸው ብለዋል።

ርዕሠ ሊቃነ ጳጳሳቱ “ማስተዋል ሊፈጠር የማይችል፣ ግን ጥልቅ፣ ልምድ ያለው እና መኖር ያለበት ጥበብ ነው” ብለዋል ።

አክሎም “ለአንድ ወጣት ማስተዋል የሚችል ሰው ማግኘት ውድ ሀብት ማግኘት ነው።   በእምነት ጉዞ እና የጥሪ ግኝት ውስጥ፣ ጥበበኛ መመሪያ ከብዙ ስህተቶች፣ ብዙ ብልህነት፣ ብዙ ግራ መጋባት እና 'ሽባነት'ን ለማስወገድ ይረዳል ብለዋል።

ርእሰ ሊቃነ ጳጳሳቱ እንዳሉት ማስተዋል ሲኖዶሳዊ፣ ግላዊ እና ወደ እውነት ያነጣጠረ መሆን አለበት።

ሲኖዶሳዊ መሆን አለበት ምክንያቱም ዛሬ ግለሰባዊነትን ያሸንፋል ብለዋል ርዕሰ ሊቃነ ጳጳሳቱ። ሰዎች ሁሉንም ነገር "እኔ እወዳለሁ / አልወድም" በሚለው መስፈርት መሰረት ሲመድቡ ይህ "አስቀያሚ ግለሰባዊነት" ነው።

"በማስተዋል ልምምድ ውስጥ፣ ቤተክርስቲያን ወንድሞችን እና እህቶችን ከእኛ ጋር በእምነት ብቻቸውን ሳይሆን በአንድነት መንገድ እንዲሄዱ ታደርጋለች፣ እና የውስጣችን ብስለት የበለጠ የበለፀገ ይሆናል" ብለዋል።

በተመሳሳይ ጊዜ ማስተዋል ግላዊ ነው። "በአለማችን ሁሉም ነገር ደረጃውን የጠበቀ እና ተመሳሳይነት ያለው ነው። ወጣቶች ግን አንድ በአንድ መታጀብ አለባቸው። እያንዳንዳቸው ልዩ እና የማይተኩ ናቸው። እያንዳንዱ ሰው እንደየ እድሜው ሊሰማ፣ መረዳት እና መምከር ይገባዋል። መንፈሳዊ ብስለት ማለት ይህ ነው" ብለዋል።

ትክክለኛነት

በመጨረሻም፣ ርዕሰ ሊቃነ ጳጳሳቱ ለአድማጮቻቸው ማስተዋል ወደ እውነት ያነጣጠረ መሆኑን አሳስበዋል።

“በሐሰት ዜና በተመረዘ ማኅበረሰብ ውስጥ” ሲሉ ርዕሰ ሊቃነ ጳጳሳቱ የገለጹ ሲሆን፣ “የግል መገለጫዎች ብዙውን ጊዜ የተስተካከሉ ወይም የተጭበረበሩ፣ ሰዎች አማራጭ ማንነቶችን በሚፈጥሩበት፣ ማስተዋል ለወጣቶች ወደ እውነተኛነት የሚወስደውን መንገድ ይወክላል፡ ከሰው ሰራሽ ማንነቶች የሚወጡበት እና ማንነታቸውን የሚያውቁበት መንገድ ነው። እውነተኛ ማንነት ይህ ነው። ማስተዋል “እውነተኛ” መሆን ነው፡ ከራስ፣ ከሌሎች በፊት፣ እና በእግዚአብሔር ፊት ሲሉ ተናግረዋል።

ርዕሰ ሊቃነ ጳጳሳት ፍራንችስኮስ ንግግራቸውን ያጠናቀቁት ወጣቶችን ማዳመጥ መቀጠል አስፈላጊ መሆኑን በማሳሰብ ነው።

ይህ “እውነተኛ ማዳመጥ” እንጂ “ግማሽ ልብ” ወይም “መስኮት መምሰል” መሆን የለበትም ብሏል። 

ርዕሰ ሊቃነ ጳጳሳቱ "ወጣቶች መበረታታት አለባቸው፣ በውይይት፣ በእቅድ እንቅስቃሴዎች፣ በውሳኔዎች ውስጥ መሳተፍ አለባቸው" "የቤተክርስቲያን ንቁ እና ሙሉ አካል እንደሆኑ እንዲሰማቸው መደረግ አለባችሁ" ብለዋል።