ርዕሰ ሊቃነ ጳጳሳት፡ ኢዮቤልዩ የጠፋንን ነገር እንደገና የምናገኝበት፣ የምንሰብክበት፣ ተስፋ የምንገነባበት ጊዜ ይሁንልን አሉ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

ርዕሰ ሊቃነ ጳጳሳት ፍራንችስኮስ ምዕመናን በትንሣኤ ስጦታ እንዲደሰቱ እና ክፉ ጊዜያት በሚመጡበት ወቅት ያ ጊዜ የሚያሸንፍ ቢመስልም የመልካም ተስፋን እንዲመለከቱ ሲያበረታቱ “የክርስቲያኖች ተስፋ ወንድማማች እና ሰላማዊ ዓለም ለመገንባት ድፍረት ይሰጠናል” ብለዋል።

 እ.አ.አ የ2025 ዓ.ም መደበኛ ኢዮቤልዩ በይፋ ቅዱስነታቸው በአደባባይ ንባብና አቅርቦት ያወጁበትን ሥነ ሥርዓት ተከትሎ በቅዱስ ጴጥሮስ ባዚሊካ የጌታን ዕርገት አስመልክቶ የማታ ጸሎት ባደረጉበት ወቅት  የክርስቲያናዊ ተስፋ እውነታ የጳጳሱ ስብከት ልብ ማዕከል ነበር።

እ.ኤ.አ. በታህሳስ 24 ቀን 2024 በቅዱስ ጴጥሮስ ቤተ ክርስቲያን የቅዱስ በር መክፈቻ ሥነ-ስረዓት በማድረግ ለሚጀምረው የኢዮቤልዩ ዓመት የተመረጠው ጭብጥ “ተስፋ ለዕፍረት አይዳርገንም” የተስፋ መንፈሳዊ ተጓዦች” የሚለው እንደ ሆነም ተገልጿል።

ለማክበር እና ለአለም ተስፋን የማወጅ ግብዣ

መልእክታቸውን በጹሑፍ ባቀረቡበት ወቅት “ወንድሞች እና እህቶች” ያሉት ርዕሰ ሊቃነ ጳጳሱ “ኢየሱስ ሞታችንን ሞቶ ድል አደረገው፣ ሕይወትን ለዘላለም እንድንቀበል፣” እና “ይህ ተስፋ በክርስቶስ ሞትና ትንሣኤ ላይ የተመሠረተ ነው፣ ለማክበር የምንፈልገውን እናስብበት። በመጪው ኢዮቤልዩም ለዓለም ሁሉ ተስፋን አውጁ” ብለዋል።

ይህ ተስፋ “ከሰዎች ብሩህ አመለካከት ወይም ከምድራዊ ጥቅም ከሚጠበቀው ጊዜያዊ መጠበቅ ጋር ምንም ግንኙነት የለውም” ሲሉ የገለጹት ቅዱስነታቸው “በፍቅሩ እቅፍ አንድ እስከምንሆንበት ጊዜ ድረስ በየቀኑ የሚሰጠን ስጦታ ነው” ብለዋል።

"የማይጠፋ" እና "የማይደበዝዝ" የክርስቲያናዊ ተስፋ ጽንሰ-ሃሳብ እና እውነታ ላይ በማሰላሰል ጳጳሱ በህይወታችን ጉዞ ውስጥ ይደግፈናል በጨለማ እና በጣም አስቸጋሪ ጊዜያት እና ጊዜዎች ውስጥ እንኳን ተስፋ ለዕፍረት አይዳርገንም ያሉ ሲሆን ለወደፊት እድሎች ዓይኖቻችንን ይከፍታል፣ ክፉት የምያሸንፍ በሚመስልበት ወቅት ሁሉ ተስፋ  የመልካም ተስፋን እንድናይ ያደርገናል ብለዋል።

“[የክርስቲያኖች ተስፋ] አዲስ ሰብዓዊነትን እንድንመኝ ያደርገናል እንዲሁም ወንድማማችነት የሰፈነበት እና ሰላማዊ ዓለም ለመገንባት በምናደርገው ጥረት ድፍረት ይሰጠናል ብለዋል።  

ርዕሰ ሊቃነ ጳጳሳት ፍራንችስኮስ በመቀጠል ክርስቲያኖች ለኢዮቤልዩ በዓል ሲዘጋጁ፣ ልባቸውን ወደ ክርስቶስ እንዲያነሱ እና “በጣም ተስፋ መቁረጥ በታየበት ዓለም የተስፋ ዘማሪዎች” እንዲሆኑ አበረታተዋል።

እኛ የምንኖርበት ኅብረተሰብ ተስፋ እንደሚያስፈልገው ተናግሯል፤ “ብዙውን ጊዜ በአሁን ጊዜ ብቻ የተጠመደና የወደፊቱን ለማየት የማንችልበት ጊዜ ላይ ደርሰናል ያሉት ቅዱስነታቸው በዘመናችን “ከቀን ወደ ቀን እየጨመረ በመጣው ግለሰባዊ እና የራስ ወዳድ ስሜት ውስጥ ገብተን እንዳንቀር መጠንቀቅ ይኖርብናል ብለዋል።  

ተስፋ "በእግዚአብሔር ፍጥረት በጣም የተጎዳ እና በሰው ራስ ወዳድነት ስሜት የተበላሸ ነው" እናም በጭንቀት እና በፍርሀት የወደፊቱን በሚጠባበቁ ህዝቦች ተስፋ ያስፈልጉታል ያሉ ሲሆን "ኢፍትሃዊነት እና እብሪት በቀጠለ ቁጥር ድሆች ይጣላሉ፣ ጦርነቶች የሞት ዘር ይዘራሉ፣ ታናናሽ እና አቅመ ደካማ የሆኑ ወንድሞቻችን እና እህቶቻችን ከቁልቁለት በታች ይቀራሉ፣ እና የወንድማማች አለም ህልም ህልም ሆኖ ይቀራል፣ ተስፋ፣ ድፍረትን፣ ምቾትን፣ ቅርበት እና እንክብካቤን ያመጣል ብለዋል።

ጳጳሱ እንዳሉት ተስፋ በወጣቶች፣ በአረጋውያን፣ በሕሙማንና በአካልና በመንፈስ ለሚሰቃዩት ያስፈልጋል ብለዋል።

ርዕሰ ሊቃነ ጳጳሳቱ አክለውም “ቤተክርስቲያኗም ተስፋ ትፈልጋለች፣ ስለዚህም እንደ ክርስቶስ ሙሽሪት፣ በዘላለማዊ እና ታማኝ ፍቅር የተወደደች፣ የወንጌልን ብርሃን እንድትይዝ እና ወደ ተላከችበት እየሄደች መሆኗን መቼም እንዳትረሳ ኢየሱስ ወደ ዓለም ያመጣውን እሳት ሁሉ በድጋሚ ማቀጣጠል እንድትችል ተስፋ ይረዳታል ብለዋል።

“እያንዳንዳችን፣ ወንድሞችና እህቶች፣ በሕይወታችን ውስጥ ተስፋ ያስፈልገናል። በተለይም በድቅድቅ ጨለማ ጊዜ” ያሉት ርዕሰ ሊቃነ ጳጳሳት በተስፋ መቁረጥ ስሜት ስንጨነቅ እና ሳናውቅ የእግዚአብሔርን መገኘት ስንመኝ፣ የነገረ መለኮት ምሑር አባ ሮማኖ ጋርዲኒ በአንድ ወቅት ጨለማው ተወጥሮ ሰዎች እግዚአብሔርን “ጌታ ሆይ፣ የት ነበርክ? ብለው ሲጠይቁት ‘ከመቼውም ጊዜ በበለጠ ወደ አንተ እየቀረብኩኝ ነው” ብሎ እግዚአብሔር መልስ እንደሚሰጥ እንደገና እንዲሰማን ያደረገናል ብለዋል።

“ወንድሞች እና እህቶች ጌታ ከሙታን ተለይቶ ተነስቶ ወደ ሰማይ ያርግ፣ ተስፋን እንደገና የምንገልጥበት፣ ተስፋን የምናውጅ እና ተስፋን የምንገነባበት ጸጋ ይስጠን” ብለዋል።

በተስፋ የመታደስ እድል

ርዕሰ ሊቃነ ጳጳሳቱ እ.አ.አ የቀን አቆጣጠር በሚቀጥለው አመት 2025 ዓ.ም የሚከበረውን መደበኛ ኢዩቤሊዩ አመት አስመልክተው ያፋ ባደረጉት የበዓሉ ሰነድ መግቢያ ላይ "ሁሉም ሰው ተስፋ የሚያደርገውን ያውቃል" ብለዋል። "ወደፊት ምን እንደሚመጣ ባናውቅም በእያንዳንዱ ሰው ልብ ውስጥ፣ ወደፊት የሚመጣውን መልካም ነገር መሻት እና መጠበቅ ተስፋ ሆኖ ይኖራል" ማለታቸው ተገልጿል።

የኢዮቤልዩ በዓል “በተስፋ እንድንታደስ እድል ሊሆነን እንደሚችል ያላቸውን ፍላጎት በመግለጽ፣ ርዕሠ ሊቃነ ጳጳሳት ፍራንችስኮስ ለመንፈሳዊ ተጓዦች “እያንዳንዱ የኢዮቤልዩ ክስተት መሠረታዊ ክስተት” መሆኑን አስታውሰው፣ በተለምዶ የሰው ልጅ የሕይወትን ትርጉም ፍለጋ ጋር የተያያዘ ነው። በጉዟችን ላይ የምናያቸው የጥበብ ድንቅ ስራዎች እና የፍጥረት ውበት እግዚአብሔርን ስለ ድንቅ ስራዎቹ እንድናመሰግን እና እንድናወድስ ያነሳሳናል” ብለዋል።

በተለይም በዓመቱ ውስጥ ዝግጁ መሆን ያለበትን ካህናትን እና ምእመናንን ለምስጢረ ንስሐ እንዲያዘጋጁ በዓለም ዙሪያ ያሉ ልዩ ልዩ አብያተ ክርስቲያናትን ጋብዟል።

ርዕሠ ሊቃነ ጳጳሳት ፍራንችስኮስ የምስራቅ አብያተ ክርስቲያናት ምእመናን በተለይም ከጴጥሮስ ተተኪ ጋር በመተባበር በኢዮቤልዩ ላይ እንዲሳተፉ እና ወደ ሮም ከተማ ‘ስትመጡ እንኳን ደህና መጣችሁ’ ብለን እንቀበላችኋለን በማለት ጋብዘዋል። የራሳቸውን የመስቀል መንገድ በመታገስ የተሸከሙ ብዙ ሰዎች በሁከትና አለመረጋጋት መሬታቸውን ለቀው ለመውጣት የተገደዱትን ሰዎች በጸሎት ልናስባቸው የገባል ብለዋል።

የክርስቲያን ተስፋ ብርሃን

ቅዱስ አባታችን በቅዱስ ዓመት ኢዩቤሊዩ “የክርስቲያናዊ ተስፋ ብርሃን ለሁሉም ወንድና ሴት ብርሃን እንዲያበራ፣ ለሁሉም እንደ እግዚአብሔር ፍቅር መልእክት” እና “ቤተ ክርስቲያኗ ለዚህ መልእክት በታማኝነት ለዓለም ሁሉ እንድትመሰክር” ልንጸልይ ይገባል ብለዋል።

ርዕሠ ሊቃነ ጳጳሳት ፍራንችስኮስ “የዘመኑን ምልክቶች” በማንበብ በዓመፅና በግጭት በሚታይበት ዓለም ውስጥ የሰላም ፍላጎት እና ልጆች የመውለድ ፍላጎታቸውን በማጣት ብዙ አገሮች “የስነ-ሕዝብ ድርቀት” እየተጋፈጡ መሆናቸውን ጠቁመዋል። ተስፋን ለመደገፍ እና ለማጎልበት ማህበራዊ ቃል ኪዳን እንዲገባ ጥሪ አቅርበዋል።

ርዕሠ ሊቃነ ጳጳሳቱ በተለይ ለሕግ ታራሚዎች ተማጽነዋል፣ በኢዮቤልዩ ጊዜ ምሕረትን ወይም ይቅርታን የመስጠት ወግ በማስታወስ በእስር ቤት ውስጥ የተቀደሰ በር በግል ለመክፈት ተስፋ አደርጋለሁ ብለዋል ፣ “እስረኞች የወደፊቱን ጊዜ በተስፋ እና በአዲስ መንፈስ እንዲመለከቱ የሚጋብዝ ምልክት ነው። በራስ መተማመን” እናም እስረኞች ከመብታቸው እና ከክብራቸው ጋር በተገናኘ እንዲስተናገዱ ጠይቋል፣ አሁንም የሞት ቅጣት እንዲሰረዝ ጠይቀዋል።

እ.አ.አ በሚቀጥለው 2025 ዓ.ም የሚከበረው ኢዩቤሊዩን የተመለከተው ሰነድ መግቢያ ላይ የተጠቀሰውን  በመጥቀስ ርዕሰ ሊቃነ ጳጳሳት ፍራንችስኮስ ለታመሙ፣ ለወጣቶች እና ለአረጋውያን - በተለይም ለአያቶች፣ ለስደተኞች እና ለድሆች ተስፋ እንዲሰጥ አሳስበዋል።

የምድር ፍሬዎች ለሁሉም የታሰቡ መሆናቸውን ቅዱስ አባታችን አስታውሰው ሁሉም ሰው ድሆችን እንዲረዳ አሳስበዋል። በተለይም የበለፀጉ ሀገራት መክፈል የማይችሉትን ሀገራት ዕዳ ይቅር እንዲሉ ጠይቀዋል። እ.ኤ.አ. በ2025 ዓ.ም ሁሉም ክርስቲያኖች የፋሲካን ምስጢር በተመሳሳይ ቀን እንደሚያከብሩ በመግለጽ በተለይ ለጋራ የፋሲካ በዓል ዝግጅት እንዲደረግ ተማጽኗል።

በተስፋ የተከበረ ቅዱስ ዓመት

ርዕሰ ሊቃነ ጳጳሳት ፍራንችስኮስ ለእያንዳንዱ ሰው በክርስቶስ ሞት እና ትንሳኤ ላይ የተመሰረተው የክርስቲያኖች ተስፋ የመጨረሻውን እጣ ፈንታችንን ማለትም በሰማያት ከእግዚአብሔር ጋር ዘላለማዊ ደስታን እንደሚያመለክት አጥብቀው ተናግረዋል። በእግዚአብሔር ምህረት ድነናል፣ በተለይም በመፀፀት ስጦታ ውስጥ ታይተናል፡- ምስጢረ ንስሐ ኃጢያታችንን በሚያጥብበት ጊዜ፣ የኢዮቤልዩ ደስታን ጨምሮ - በቅዱስ ቁርባን ውስጥ የተሰረዩ የኃጢያት ውጤቶችን ያስወግዳል ያሉት ርዕሰ ሊቃነ ጳጳሳቱ ፈቃደኝነትን ለመቀበል ልዩ ሁኔታዎች በቅርቡ እንደሚታተሙ ተናግረዋል።

ቅዱስ አባታችን በመጨረሻ የተስፋ ማስታወሻ ሲያጠቃልሉ፣ “መጪው ኢዮቤልዩ የማይጠፋው፣ በእግዚአብሔር ላይ ያለን ተስፋ የተከበረበት ቅዱስ ዓመት እንዲሆንልን” በመጸለይ፤ እና “በቤተክርስቲያኗ እና በህብረተሰቡ፣ በግላዊ ግንኙነታችን፣ በአለም አቀፍ ግንኙነቶች እና የሁሉንም ሰው ክብር በማስተዋወቅ እና የእግዚአብሔርን የፍጥረት ስጦታ በማክበር ተግባራችን ላይ የምንፈልገውን በራስ የመተማመን አደራ እንድናገኝ ይረዳናል ብለዋል።

"አሁንም እንኳን ወደዚህ ተስፋ እንሳብ!"

ክርስቲያኖች ከእምነታቸው ጋር የሚስማማ ሕይወት እንዲመሩ፣ ለሁሉም “ጌታን ተስፋ እንዲያደርጉ” ምስክር እና ግብዣ እንዲሆን ጥሪ አቅርቧል።

ጳጳሱ እንዳሉት፣ “የጌታ የኢየሱስ ክርስቶስን መምጣት በልበ ሙሉነት እየጠበቅን ሳለ፣ ምስጋናና ክብር አሁንም፣ ዘወትርም እና ለዘላለም ለእርሱ ይሁን ካሉ በኋላ መልእክታቸውን አጠናቀዋል።