ርዕሰ ሊቃነ ጳጳሳት የብራዚል መንፈሳዊ ማሕበራት ጥሪያቸውን እንዲንከባከቡ አሳስበዋል!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

በብራዚል የሚገኙ የወንዶችና የሴቶች ገዳማት የብራዚል የሃይማኖቶች ጉባኤ 70ኛ ዓመት የምስረታ በዓል ላይ “CRB 70 ዓመታት: አመስጋኝ ትዝታ፣ ብትውና፣ ትንቢት እና ተስፋ” በሚል መሪ ቃል በማክበር ላይ ናቸው።

ርዕሰ ሊቃነ ጳጳሳት ፍራንችስኮስ በላቲን አሜሪካ ቤተ ክርስቲያንን ለማገልገል ጥሪያቸውን በማበረታታት ለተሳታፊዎች ሐሙስ ግንቦት 22/2016 ዓ.ም ዕለት መልእክት አስተላልፈዋል።

ርዕሰ ሊቃነ ጳጳሳቱ በመልእክታቸው የገዳማዊያን ሕይወት ሸንጎ “በእያንዳንዱ ሃይማኖታዊ ማኅበረሰብ እና በብራዚል ቤተ ክርስቲያን ሕይወት ውስጥ የተትረፈረፈ ፍሬ እንዲያፈራ” ጸሎት አድርገዋል።

ወንዶችና ሴቶች ገዳማዊያን የክርስቶስን የምሥራች ቃል ለመስበክ ትልቅ ቁርጠኝነት አሳይተዋል ብሏል።

“የተቀደሰ ሕይወት ለተሰጠን ታላቅ ስጦታ፣ በተለያዩ መስህቦች፣ የቤተክርስቲያን ሕብረት የሚያበለጽግ እና በዓለም ዙሪያ ካሉት የቤተክርስቲያኗ ተልእኮዎች ጋር በእጅጉ የሚተባበር ስላደረጋችሁ አመሰግናለሁ” ብሏል።

የሃይማኖታዊ ጥሪ ስጦታን ጠብቁ

ርዕሠ ሊቃነ ጳጳሳት ፍራንችስኮስ በመቀጠል “የመንፈሳዊ ጥሪ ሥጦታ” ገዳማዊያን የሆኑ ወንዶችም ሆኑ ሴቶች ፍሬ እንዲያፈሩ በእያንዳንዱ ቀን ጥበቃና እንክብካቤ ሊደረግላቸው እንደሚገባ አስታውሰዋል።

ኢየሱስ ከመሞቱ በፊት በነበረው ምሽት ለሐዋርያቱ የነገራቸውን “በፍቅሬ ኑሩ” የሚለውን የሸንጎው መሪ ቃል ምርጫን አወድሷል።

“መለኮታዊውን ጥሪ በጥሩ ሁኔታ ለመኖር ከኢየሱስ ጋር በየዕለቱ ጸሎት እና መቀደሳችንን በሚያምር ሁኔታ ለሚገልጹት ስእለቶች በታማኝነት በመነጋገር በፍቅሩ መቆየት አለብን” ብሏል።

የተቀደሰ ሕይወት ጳጳሱ አክለዋል እንደ ገለጹት ከሆነ በጌታ ላይ በጥብቅ ሥር በመመሥረት የሚገኝ ሲሆን ውበት የማስተዋል ችሎታ አለው ብለዋል።

ወንጌልን በድፍረት ማወጅ

በማጠቃለያው፣ ርዕሰ ሊቃነ ጳጳሳት ፍራንችስኮስ የብራዚል ገዳማዊያን የሆኑ ወንዶችና ሴቶች አሁን ባለው “የገዳም ሕይወት ጸንተው” በእነርሱ ልዩ መስህብነት እንዲኖሩ፣ ወንጌልን በትንቢታዊ መንገድ ለማወጅ ቁርጠኛ ሆነው እንዲኖሩ አበረታቷቸዋል።

“እነዚህን ምኞቶች እና ጸሎቶች በአፓሬሲዳ ቅድስት ድንግል ማርያም አማላጅነት አደራ እላለሁ፣ በብራዚል የሚኖሩ ገዳማዊያን ወንዶችን እና ሴቶችን ለአማላጅነቷ በአደራ ሰጣለሁ ካሉ በኋላ ቅዱስነታቸ መልዕክታቸውን አጠናቀዋል።