ርዕሰ ሊቃነ ጳጳሳት፡- ግጭቶች ሰላማዊ መፍትሄዎችን፣ ድርድሮችን ይፈልጋሉ ማለታቸው ተገለጸ!

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

"መንፈስ ቅዱስ የገዥዎችን አእምሮ ያብራ፣ ጥበብን እና የኃላፊነት ስሜትን ያሳድርባቸው፣ ግጭትን የሚያባብሱ ድርጊቶችን ወይም ቃላትን ይከላከሉ እና ይልቁንም ግጭቶችን በሰላማዊ መንገድ ለመፍታት በቁርጠኝነት ይሥሩ” ሲሉ ቅዱስነታቸው ጥሪ አቅርበዋል።

ርዕሰ ሊቃነ ጳጳሳት ፍራንችስኮስ በእሁድ እለት “የእግዚአብሔር መልአክ ማርያምን ያበሰረበት” የብስራተ ገብርኤል ጸሎት ከምዕመናን ጋር በመቀባበል ከደገሙ በኋላ ባስተላለፉት ሳምንታዊ መልእክት በቅድስት ሀገር እና በዩክሬን የተከሰቱትን አሳዛኝ ክስተቶች በማስታወስ ግጭቶችን ለማሸነፍ "ድርድር ያስፈልጋል" ብለዋል።

ርዕሰ ሊቃነ ጳጳሳቱ ልዩ በሆነ መንገድ ዩክሬንን፣ ፍልስጤምን፣ ዲሞክራቲክ ሪፐብሊክ ኮንጎን እና እስራኤልን በማስታወስ "ለሰላም መጸለይን እንቀጥል" ሲሉ አሳስበዋል።

"ስለ ሰላም እንጸልይ"

"ስለ ሰላም እንጸልይ!" በማለት መልእክታቸውን የቀጠሉት ርዕሰ ሊቃነ ጳጳሳቱ "በጦርነት ለፈራረሰችው ዩክሬይን” በልዩ ሁኔታ መጸለይ ይኖርብናል ብለዋል። "ሰላም ይውረድ!" ገዢዎች በኃላፊነት መንፈስ እንዲንቀሳቀሱና ግጭቶችን እንዲያስወግዱ ጠይቀዋል።