Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Ілюстрацыйнае фота Ілюстрацыйнае фота 

Ватыканскі Дзяржсакратар правядзе Божае Нараджэнне ў Іраку

Дзяржсакратар Яго Святасці Папы, кардынал Пьетра Паралін будзе святкаваць Божае Нараджэнне ў Іраку. Візіт іерарха ў блізкаўсходнюю краіну будзе праходзіць 24-26 снежня 2018 г.

Кардынал Паралін прыбудзе ў Багдад 24 снежня. Пасля сустрэчы з прадстаўнікамі дзяржаўных улад, ён наведае касцёл Маці Божай Нястомнай Дапамогі, дзе 31 кастрычніка 2010 г. тэрарысты “Аль-Кайды” забілі 46 чалавек, сярод якіх былі два святары. Тут высокі іерарх прыме ўдзел у цырымоніі запальвання агню, што ў халдэйскай літургіі сімвалізуе нараджэнне Езуса. Затым, у багдадскай катэдры св. Юзафа, разам з Патрыярхам Луісам Сако, ён будзе цэлебраваць св. Імшу ў вігілію Божага Нараджэння.

25 снежня кардынал Дзяржсакратар таксама правядзе ў Багдадзе, дзе сустрэнецца з прадстаўнікамі мясцовых дабрачынных арганізацый.

На наступны дзень, 26 снежня, іерарх накіруецца ў горад Эрбіл – цэнтр іракскага Курдыстана. У гэтым рэгіёне знаходзіцца значная частка хрысціянскіх бежанцаў з Масула. Тут кіраўнік ватыканскай дыпламат сустрэнецца з мясцовымі ўладамі.

Апошнім пунктам праграмы візіту ў Ірак для кардынала Параліна стане Ніневійская раўніна. Тут здаўна пражывала вялікая колькасць хрысціян. Многія з іх вяртаюцца сюды пасля разгрому тэрарыстычнай групоўкі “Ісламская дзяржава”. У цэнтры рэгіёна, горадзе Каракош, які два гады знаходзіўся пад кантролем тэрарыстаў, кардынал Паралін, разам з Патрыярхам Ігнацыем Юсэфам ІІІ Юнанам, будзе цэлебраваць св. Імшу.

Пілігрымка кіраўніка ватыканскай дыпламатыі стане выразам блізкасці Пантыфіка да краіны, насельніцтва якой цяжка пакутавала на працягу апошніх дзесяцігоддзяў, і якую ён неаднаразова выказваў жаданне наведаць, як толькі гэта стане магчыма.

Навіна ў фармаце аўдыё
20 снежня 2018, 10:34
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031