Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
ІМША НА ЛАЦІНСКАЙ МОВЕ
Расклад Падкасты
Ілюстрацыйнае фота Ілюстрацыйнае фота 

Ватыканскі іерарх перасцерагае ад секулярызацыі ў літургіі

Секулярызацыя ўплывае на наш досвед Эўхарыстыі, і таму мы павінны быць вельмі асцярожнымі ў гэтым плане, - на гэта ўказаў прэфект Дыкастэрыі Божага культу і дысцыпліны сакрамэнтаў.

Аляксандр Амяльчэня - Vatican News

Кардынал-намінант Артур Рошэ падкрэсліў, што секулярызацыя імкнецца да прымяншэння боскага. Ён прызнаў, што на сённяшнюю літургію таксама негатыўна ўплываюць індывідуалізм і рэлятывізм, а таксама перавага асабістых прыярытэтаў. Аднак тое, як мы цэлебруем літургію, не залежыць ад нашага асабістага выбару: мы робім гэта супольна, як увесь Касцёл, - дадаў іерарх.

На яго думку, менавіта секулярызацыя аслабляе рэлігійнасць. “Заняпад рэлігійнай практыкі ў нядзелю адбываецца ў асноўным на Захадзе. Гэта перш за ўсё наступства секулярызацыі і змены статусу нядзелі. Калі я быў малады, у гэты дзень крамы не працавалі. Мы вельмі рэдка гулялі ў футбол. (...) Нядзельная раніца заўсёды была святой, таму што тады ўсе ішлі ў касцёл. Нядзеля для нас – Дзень Божы. Гэта тое, чым мы абавязкова павінны скарыстацца”, - сказаў прэфект у інтэрв’ю Vatican News.

Ён бачыць выхад ва ўзмоцненай катэхізацыі і блізкасці Касцёла да людзей. “Калі я быў маладым святаром, мой біскуп казаў, што там, дзе святар ідзе да людзей, людзі ідуць у касцёл. Я думаю, што гэтая блізкасць паміж святаром і людзьмі тут вельмі важная”, - прызнаўся кардынал-намінант Рошэ.
 

21 чэрвеня 2022, 11:43
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031