Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Удзельнікі Кантынентальнай асамблеі Акіяніі, 5-10 лютага 2023 года, Сува, Фіджы Удзельнікі Кантынентальнай асамблеі Акіяніі, 5-10 лютага 2023 года, Сува, Фіджы 

Акіянія: Сінод спрыяе развіццю “ціхаакіянскай тэалогіі”

Біскупы і свецкія, якія ўдзельнічалі ў кантынентальным этапе сінадальнага працэсу для Акіяніі, станоўча ацанілі некалькі дзён дыскусій у сталіцы Фіджы – Суве.

Аляксандр Амяльчэня - Vatican News

У паведамленні Канферэнцыі Біскупаў Аўстраліі гаворыцца, што “характэрны голас Акіяніі” будзе працягваць гучаць у сінадальным працэсе.

Адпаведны дакумент Федэрацыі каталіцкіх біскупскіх канферэнцый Акіяніі (FCBCO) будзе апублікаваны ў бліжэйшыя тыдні. Яго мэта – развіццё "ціхаакіянскай тэалогіі".

Падсумоўваючы дэбаты, аўстралійскі арцыбіскуп Марк Кольрыдж падкрэсліў, што дзякуючы кансультацыям паступова з’яўляецца “голас Ціхага акіяна”.

Удзельнікі змаглі “прапанаваць біскупам смак тэалогіі, якая паходзіць з рэгіёна, карысны для супольных разважанняў”, - адзначыла тэолаг Аўстралійскага каталіцкага ўніверсітэта Сэндзі Корніш. Яна прыняла ўдзел у абмеркаваннях групы тэолагаў з Аўстраліі, Новай Зеландыі, Фіджы і Папуа-Новай Гвінеі.

Соанэ Мафі з Тонга звярнуў увагу на развіццё дадатковых тэалагічных магчымасцей. На яго думку, трэба зрабіць больш, каб заахвоціць свецкіх да вывучэння тэалогіі і займацца тэалогіяй з пункту гледжання Ціхаакіянскага рэгіёну.

Дэбаты, якія праходзілі пад дэвізам: Захаваць акіян, каб выратаваць Маці-Зямлю, былі прысвечаны пытанням аховы навакольнага асяроддзя і змены клімату.

З ватыканскага боку ў працы Кантынентальнай асамблеі Акіяніі прыняў удзел прэфект Дыкастэрыі па служэнні інтэгральнаму развіццю чалавека, кардынал Майкл Чэрны і сястра Наталі Бэкар, падсакратар у Генеральным сакратарыяце Сінода Біскупаў.
 

14 лютага 2023, 12:39
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031