Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Кардынал Хасэ Хасэ Амэла Кардынал Хасэ Хасэ Амэла 

Асамблея Сінода Біскупаў у Празе: падсумаванне працы ў групах

Мы перажываем цікавы гістарычны момант у Касцёле, - адзначыў іспанскі кардынал Хуан Хасэ Амэла, падсумоўваючы працу ў групах падчас Еўрапейскай асамблеі Кантынентальнага этапу Сінода Біскупаў у Празе. Форум завершыцца 12 лютага 2023 года.

Ян Глінскі

Арцыбіскуп Барселоны прыняў удзел у абмене меркаваннямі, якімі завяршылася праца ў групах над першым пытаннем дакумента кантынентальнага этапу: якія ідэі, змешчаныя ў тэксце, атрымалі найбольшы рэзананс?

Трынаццаць працоўных груп прадставілі адказы, сфармуляваныя паводле моўных і нацыянальных крытэрыяў, а таксама сямейнага статусу. У кароткіх адказах з трох пунктаў звярталася ўвага на тое, што сінадальнасць – гэта значыць ісці разам у Каталіцкім Касцёле, а потым разам з іншымі хрысціянамі і людзьмі добрай волі. Аднак, каб пашырыць прастору касцёльнага намёту, трэба найперш пашырыць сваё сэрца, што патрабуе навяртання. Таму на сінадальным шляху абавязковымі з’яўляюцца сакрамэнтальнае жыццё, чытанне Святога Пісання і малітва.

Указвалася, што Касцёл павінен дзейнічаць разам з іншымі, а не толькі для іншых; павінен спадарожнічаць людзям, нягледзячы на тое, хто яны і якія іх адносіны з Хрыстом. Касцёл быў названы сям’ёй Божай, у якой пануе безумоўная акцэптацыя, – за выключэннем праблем, якія патрабуюць ачышчэння. Падкрэслівалася моц сведчання веры, сканцэнтраванай на Хрысце, што прыцягвае іншых людзей. Выказвалася шкадаванне адносна мовы Касцёла і яго дакументаў, “далёкай” ад досведу людзей.

У свабодных выказваннях звярталася ўвага на неабходнасць глыбокага разумення значэння сінадальнасці і выкарыстання выразнай тэрміналогіі, каб пазбегнуць непаразуменняў. Прагучала асцярога, каб не гаварыць занадта канцэптуальна пра сінадальнасць, а за метадалогіяй, ідэалогіяй і тэалогіяй не губляліся канкрэтныя аспекты сінадальнасці.

Арцыбіскуп Паола Пецы, старшыня каталіцкага епіскапату Расіі, заўважыў, што сінадальны працэс аказаўся вельмі карысным у адкрыцці харызмаў. Старшыня нямецкага епіскапату біскуп Георг Бэтцінг, у сваю чаргу, выказаў радасць, што сінадальнасць умацоўваецца як новы касцёльны стыль.

“Нас яднае адна выснова: мы хочам з радасцю ісці за Хрыстом, каб евангелізаваць Еўропу”, - падсумаваў кардынал Хуан Хасэ Амэла. Арцыбіскуп Барселоны прыгадаў дзве постасці канца XIX стагоддзя – французскага кардынала Шарля Лавіжэры і італьянскага святога Даніэля Камбоні, – якія, ахвяруючы сваім жыццём, з адвагай вырушылі ў невядомае, каб абвяшчаць пасланне Хрыста ў Афрыцы, у той час як у іх краінах Касцёл перажываў цяжкасці. Падобна было з каталіцкімі і англіканскімі мучанікамі з Уганды. Усе яны рабілі гэта з любові да мясцовых людзей і іх культуры, што прынесла плён. Іспанскі іерарх заахвоціў удзельнікаў форуму, па прыкладу згаданых місіянераў, быць новымі евангелізатарамі Еўропы.
 

10 лютага 2023, 12:54
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031