Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
2022.10.20 Donne, donna

У Рыме праходзіць перадсінадальная сустрэча моладзі

29 верасня 2023 года ў Рыме распачалася перадсінадальная сустрэча моладзі, арганізаваная Супольнасцю Тэзэ на тэму: Разам – сход народа Божага. Яна сабрала вернікаў ва ўзросце ад 18 да 35 гадоў.

Аляксандр Амяльчэня - Vatican News

Маладыя людзі, каля 3 тысяч чалавек з Італіі, Польшчы, Францыі, Іспаніі, Венгрыі, Егіпта, В'етнама, Карэі і ЗША, пасяліліся ў 80 рымскіх парафіях. Іх першая сустрэча адбылася ў зале езуіцкай генеральнай курыі з удзельнікамі Сінода Біскупаў.

30 верасня пасля ранняга сняданку і кароткай малітвы моладзь узяла ўдзел у тэматычных майстар-класах у розных месцах Вечнага Горада. Яны будуць прысвечаны, у прыватнасці, разнастайнасці хрысціянскіх традыцый, пошуку хрысціянскага адзінства, братэрству з паслядоўнікамі іншых рэлігій, знаёмству з рэаліямі жыцця бежанцаў, клопату аб стварэнні, росту чалавечнасці, барацьбе з гандлем людзьмі і іх эксплуатацыяй, дапамогі бяздомным, галодным, зняволеным, спосабам пераканаўчага абвяшчэння Евангелля ў грамадстве, далёкім ад рэлігіі.

У другой палове дня ўдзельнікі збяруцца на супольную малітву ў базіліцы святога Яна Латэранскага, а затым адправяцца ў пешую пілігрымку ў Ватыкан. Маршрут, які вядзе ад катэдры Біскупа Рыма да магілы святога Пятра, складае шэсць кіламетраў і з’яўляецца сімвалам Сінода – грэчаскае слова (σύνοδος) паказвае на агульны шлях.

Вечарам на плошчы святога Пятра маладыя людзі прымуць удзел у экуменічным малітоўным чуванні пад кіраўніцтвам Папы Францішка, а потым вернуцца ў сем’і, якія іх прымаюць. Нядзелю, 1 кастрычніка, моладзь правядзе ў парафіяльных супольнасцях.

Ініцыятарам перадсінадальнага чування Together і ўдзелу ў ім моладзі з’яўляецца прыёр Супольнасці Тэзэ брат Алоіз.
 

30 верасня 2023, 09:54
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031