Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Сястра Наталі Бэкар з кардыналам Клаўдыё Гуджэроці падчас Сінода Сястра Наталі Бэкар з кардыналам Клаўдыё Гуджэроці падчас Сінода  (Vatican Media)

Сястра Бэкар пасля Сінода: змены могуць быць уведзены хутка

Намесніца сакратара (падсакратар) Сінода Біскупаў, адзначыла, што ўжо цяпер існуюць магчымасці для больш актыўнага ўдзелу свецкіх, асабліва жанчын, у жыцці каталіцкіх суполак, а таксама для змен, якія можна рэалізаваць неадкладна.

Аляксандр Амяльчэня - Vatican News

“Ёсць шмат рэчаў, якія могуць быць зроблены заўтра ці ў бліжэйшы час на мясцовым узроўні. Таму ўсё, што можна рэалізаваць для ўкаранення неабходнага стылю сінадальнасці, для стварэння душпастырскіх рад, для ўключэння большай колькасці свецкіх, павінна быць зроблена на мясцовым узроўні”, - сказала манахіня ў інтэрв’ю партугальскаму агенцтву Ecclesia.

Яна падкрэсліла заклік да “большага ўдзелу жанчын у кіраўніцтве Касцёлам”, зрабіўшы сінадальнасць “спосабам быць Касцёлам сёння і ў будучыні”. “Каб заставацца вернымі абвяшчэнню Евангелля, мы павінны ўсё больш і больш станавіцца Касцёлам сінадальным, Касцёлам, у якім усе ахрышчаныя пакліканы працаваць разам як браты і сёстры ў Хрысце, быць галоўнымі героямі і служыць місіі Касцёла”, - растлумачыла Бэкар.

Яна нагадала пра заклік удзельнікаў нядаўняй (4-29 кастрычніка 2023 года) першай сесіі XVI Генеральнай асамблеі Сінода Біскупаў па сінадальнасці заснаваць душпастырскія рады ва ўсіх парафіях і дыяцэзіях, пашырыўшы такім чынам сферу кансультацый і ўдзелу.

На яе думку, ватыканскі сход падарыў “досвед магчымага адзінства” з улікам разнастайнасці ўдзельнікаў. “Тое, што на працягу гэтых тыдняў мы ўсе былі разам, не сварыліся, а спрабавалі выслухаць адно аднаго, зразумець пункт гледжання таго, хто не мае такой жа думкі, як мы, – гэта вельмі моцны знак”, - сказала намесніца сакратара Сінода Біскупаў, падкрэсліўшы важнасць прынятай метадалогіі “размовы ў Духу Святым”.

Яна адзначыла прысутнасць Папы Францішка, старшыні Сінода, які “большую частку часу слухаў”. Яна таксама заявіла, што сінадальная асамблея “характарызавалася здольнасцю слухаць і шырокай свабодай выказвання”.

“Мы бачылі, што існуе мноства розных пунктаў гледжання. Вельмі цікава, што такой разнастайнасці пунктаў гледжання не было паміж біскупамі з аднаго боку і не-біскупамі з другога”, - адзначыла французская манахіня-ксаверыянка.

Яна дадала, што дні правядзення асамблеі Сінода былі адзначаны рознымі канфліктамі ў свеце, у прыватнасці вайной, якая пачалася ў Святой Зямлі.

“Мы бачым, што галоўная задача сённяшняга свету, свету, падзеленага вялікай колькасцю канфліктаў і гвалту, заключаецца ў тым, каб быць знакам адзінства, будаваць шляхі прымірэння і працаваць на карысць міру”, - адзначыла сястра Бэкар.
 

07 лістапада 2023, 10:26
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031