Архіепіскап Гудзяк: хрысціяне павінны адстойваць годнасць кожнага

Марыя Валодзіна - Vatican News

У інтэрв’ю Vatican News іерарх Украінскай Грэка-Каталіцкай Царквы выказаў занепакоенасць тым, што палітычныя ці ідэалагічныя спрэчкі ўсё часцей вырашаюцца гвалтам, як фізічным, так і вербальным. Ён нагадаў пра нядаўнюю заяву біскупаў ЗША, якія заклікаюць да мірных сродкаў вырашэння палітычных рознагалоссяў, такіх як дыялог, галасаванне, мірныя пратэсты, петыцыі, суд і грамадзянскае непадпарадкаванне перад тварам несправядлівасці.

Архіепіскап Гудзяк падкрэсліў важнасць вяртання да хрысціянскіх каранёў, каб справіцца з крызісам. "Сітуацыя вельмі кепская, і, магчыма, мы не зможам змяніць яе імгненна, але гэта не значыць, што мы не павінны аднавіць нашу хрысціянскую пазіцыю", - сказаў ён. Цэнтральнае месца ў гэтым займае прызнанне годнасці кожнага чалавека, паколькі кожны чалавек створаны па вобразу і падабенству Божаму.

Мы не павінны дазваляць сабе словамі або дзеяннямі выказваць намёкі на тое, "што хтосьці ў якой бы там ні было форме з'яўляецца аднаразовым", - папярэдзіў архіепіскап Гудзяк. "Нават калі мы не згодныя з кімсьці, мы павінны праяўляць павагу і прыслухоўвацца да досведу іншых", - адзначыў ён. Іерарх заклікаў да міласэрнасці, яснасці і творчага падыходу да вырашэння палітычных і ідэалагічных пытанняў, “і ўсё гэта – згодна з вучэннем нашага Пана”, сказаў ён.