Пантыфік: спорт – інструмент для падтрымкі культуры сустрэчы

Папа накіраваў пасланне да арганізатараў семінара на тэму “Спорт як інструмент для развіцця чалавечых, эканамічных і сацыяльных рэсурсаў”, які 25 жніўня 2018 г. пройдзе ў Рыа-дэ-Жанэйра пры падтрымцы ФІФА. Ён заклікаў працягваць падтрымліваць спорт, які дапамагае развіваць цноты і садзейнічае ўсебаковаму развіццю чалавека і грамадства.

Святы Айцец выказаў пераканенне, што спорт, гэта найлепшы сродак для развіцця братэрства і салідарнасці, верны шлях да стварэння больш мірнага і справядлівага свету.