ПАПА

Папа і Патрыярхі размаўлялі пра адзіную дату Вялікадня

На нядаўняй сустрэчы Францішка з праваслаўнымі і іншымі ўсходнехрысціянскімі іерархамі, у прыватнасці, закраналася тэма агульнай даты святкавання Вялікадня.

Аб гэтым заявіў халдэйскі Патрыярх Вавілона Луіс Рафаэль Сако, які быў адным з удзельнікаў падзеі, што мела месца 7 ліпеня 2018 г. у Бары, на поўдні Італіі.

Падчас размовы, якая вялася за зачыненымі дзвярыма, не закраналіся дактрынальныя пытанні, прызнаўся каталіцкі іерарх. Ён растлумачыў, што ўдзельнікі мелі свядомасць неабходнасці адзінства, да якога ідзецца разам, з супольнай малітвай, змагаючыся з тымі ж праблемамі, ведаючы, што можна чэрпаць з агульнай крыніцы.

Кіраўнік Халдэйскай Каталіцкай Царквы адзначыў, што гаворка ішла не толькі пра пераслед хрысціян.

“[Для ўсіх было ясна, што будучыня паслядоўнікаў Хрыста звязана з мусульманамі, юдэямі і іншымі супольнасцямі, якія жывуць на Блізкім Усходзе]”

, - падкрэсліў ён.

Кардынал Сако прызнаў, што словы, якія былі сказаны, і супольная малітва заклалі добрую аснову для сумесных дзеянняў, таму ён перакананы, што сустрэча ў Бары не была апошняй такога роду падзеяй. Іерарх таксама выказаў надзею на тое, што некалі з’явіцца магчымасць пашырыць гэту групу, дзякуючы прысутнасці ў ёй мусульман і юдэяў.

“[Адны мы не зможам супрацьстаяць і вырашыць настолькі шматлікія праблемы]”

, - лічыць іракскі кардынал.

Ён дадаў, што ўсё гэта адбудзецца, калі прыйдзе час. “Пяцьдзесят гадоў таму такі сход, як у Бары, не быў бы магчымы, - падкрэсліў іерарх. - Таму гэту сумесную нараду прадстаўнікоў шматлікіх Цэркваў і супольнасцяў можна разглядаць у якасці прыкладу для іншых”.

Навіна ў фармаце аўдыё