Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Allegro con fuoco
Расклад Падкасты
Ілюстрацыйнае фота Ілюстрацыйнае фота 

Папа да езуітаў Цэнтральнай Амерыкі: захоўваць вернасць караням

Італьянскі каталіцкі часопіс “La Civiltà Cattolica” апублікаваў змест прыватнай размовы Святога Айца з езуітамі Цэнтральнай Амерыкі, якая адбылася падчас яго нядаўняга візіту ў Панаму.

Сустрэча праходзіла 26 студзеня 2019 г. у будынку Апостальскай нунцыятуры ў панамскай сталіцы. У ёй прынялі ўдзел каля 30 законнікаў.

У размове Францішак звярнуў увагу на адвагу мучанікаў Цэнтральнай Амерыкі: арцыбіскупа Оскара Рамэра і айца Руціліа Грандэ. Абодва аддалі жыццё за веру, а іх сведчанне мае прароцкае вымярэнне, у тым ліку таму, што мучаніцтва аднаго паспрыяла навяртанню другога, заўважыў Папа.

Святы Айцец заклікаў езуітаў быць уважлівымі да патрэбаў моладзі. Ён звярнуў увагу на праблемы, выкліканыя інтэрнэтам, калі маладыя людзі вялікую колькасць віртуальных кантактаў блытаюць з сапраўднай сустрэчай. Гэта дае ілюзорнае задавальненне, якое адрывае ад канкрэтнасці жыцця, перакананы Пантыфік.

Францішак лічыць, што сучасны “крызіс сустрэчы” бярэ свой пачатак у “крызісе каранёў”. Моладзь часта бывае зануранай у “культуру мімалётнага”, не атрымлівае дапамогі з боку бацькоў. Таму важным з’яўляецца кантакт паміж маладымі і пажылымі людзьмі. Мары старых часта пераходзяць да ўнукаў, дадаў Папа.

У ходзе размовы ўздымалася пытанне адносін паміж інкультурацыяй і тоеснасцю. У сувязі з гэтым Пантыфік прыгадаў павучальную гісторыю пра маладога чалавека, які пасля доўгіх гадоў вучобы вярнуўся ў родную вёску да бацькоў, але настолькі адарваўся ад свайго мінулага жыцця, што павінен быў пытацца ў бацькі пра назвы ўсіх сельскагаспадарчых прыладаў, пакуль не наступіў на граблі і не атрымаў імі ў лоб. Гісторыя паказвае, што трэба быць моцна ўкаранёнымі ў сваёй традыцыі, заключыў Францішак.

Паводле Папы, гэта асаблівым чынам тычыцца законнікаў, якія нярэдка думаюць, што кансэкрацыя пераводзіць іх у катэгорыю “больш асвячаных”. “Той, хто забывае пра сваю культуру, пра сваё паходжанне, патрабуе праславутага ўдару граблямі ў лоб”, - сказаў на заканчэнне размовы Святы Айцец.

Навіна ў фармаце аўдыё
16 лютага 2019, 12:54
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031