Пантыфік: праца педыятра – місія, дзе важныя розум і сэрца
Святы Айцец падзяліўся са сваімі гасцямі некалькімі думкамі, уручыўшы ім тэкст загадзя падрыхтаванай прамовы, у якой падзякаваў за шматлікія ініцыятывы аб’яднання, а таксама падкрэсліў важнасць пастаяннага ўдасканалення педыятрамі сваіх ведаў і прафесійных здольнасцей.
, - зазначыў Папа.
Паводле яго, у наш час важна спрыяць развіццю культуры аховы здароўя, асабліва дзяцей. “Існуе тэрміновая неабходнасць у сур’ёзнай выхаваўчай праграме адносна аховы здароўя і ладу жыцця, дзе з павагай ставяцца да чалавечага арганізму, каб, такім чынам, прагрэс не адбываўся коштам самога чалавека”, - заўважыў Францішак.
Гаворачы пра важнасць салідарнай і інклюзіўнай медыцыны, Святы Айцец звярнуў увагу на няроўнасць, якая існуе ў доступе да паслуг у сферы аховы здароўя.
, - заўважыў Пантыфік.
Папа звярнуў увагу на тое, што першымі, з кім педыятры ўступаюць у кантакт, з’яўляюцца не дзеці, але іх бацькі, якія патрабуюць ад урача не толькі медыцынскага прафесіяналізму, але і чалавечнасці, бо давяраюць яму самае дарагое з таго, што маюць.
Дзеці вельмі добра адчуваюць, з якім стаўленнем да іх набліжаецца ўрач, і таму важна мець усмешку на твары, умець падбадзёрыць і напоўніць даверам свайго маленькага пацыента, што, безумоўна, умацуе эфект прапісаных лекаў, перакананы Пантыфік.
Францішак заахвоціў педыятраў заўсёды памятаць пра адносіны Езуса да дзяцей і з Яго браць прыклад у прафесійнай дзейнасці. Хрыстус прыцягваў дзяцей да сябе не з дапамогай падарункаў, але сілай і спакоем сваёй асобы, заўважыў Папа.
Святы Айцец падкрэсліў, што праца педыятра – гэта сапраўдная місія, у якой задзейнічаны розум і сэрца, якая часам не прадугледжвае магчымасці перапынку і нармаванага працоўнага дня. Але менавіта такім сваім ладам жыцця ўрач дае асабістае хрысціянскае сведчанне, заўважыў Францішак.
