Пантыфік: сёння патрэбна эканоміка, якая мае душу
Францішак прыняў на аўдыенцыі ў Ватыкане прадстаўнікоў Еўрапейскай федэрацыі харчовых банкаў. Сустрэча адбылася 18 мая 2019 г., у заключны дзень штогадовага пасяджэння ўзгаданай структуры, якое з нагоды 30-годдзя заснавання Харчовага банка Італіі праходзіла ў Рыме.
Перш за ўсё, Святы Айцец падзякаваў прысутным за іх працу – за канкрэтныя намаганні па забеспячэнні ежай тых, хто яе не мае.
, - заўважыў Папа.
Ён перасцярог, што “выкідаць ежу – значыць выкідаць чалавека”, і дадаў, што сорамна сёння не ўсведамляць, наколькі каштоўнай з’яўляецца ежа і наколькі шмат добрага не выкарыстоўваецца належным чынам.
Яшчэ горш тое, што дрэнная звычка неразважлівага карыстання можа распаўсюдзіцца нават на ўчынкі міласэрнасці: часам шчодрыя памкненні, натхнёныя выдатнымі намерамі, зводзяцца на “не” канцыляршчынай і завышанымі тратамі або набываюць форму асістэнцыялізму – гіпертрафаванай дзяржаўнай апекі, – які не вядзе да сапраўднага развіцця.
, - сказаў Францішак.
Дабро павінна чыніцца добра, а для гэтага патрэбна цэласнае бачанне рэчаіснасці і чалавека ў яго супольнасці, сказаў Папа. На яго думку, у гэтым вялікую патрэбу мае эканоміка. У сучасным свеце, дзе ўсё ўзаемазвязана і адбываецца вельмі хутка, дзе разам з гонкай за прыбыткам абвастраецца ўнутраная ўразлівасць людзей, патрэбна эканоміка, якая мае душу, а не “некантраляваная машына, што прыгнятае людзей”.
Эканоміка стала безаблічнай. Замест таго каб служыць чалавеку, яна прыгнятае яго, занявольвае ва ўсё больш аддаленых ад рэчаіснасці і ўсё менш кіруемых фінансавых механізмах.
Каб супрацьстаяць гэтай тэндэнцыі, трэба падтрымліваць тых, хто хоча змяняць сітуацыю ў лепшы бок, спрыяць мадэлям росту, заснаваным на сацыяльнай роўнасці і чалавечай годнасці, на сям’і і будучыні моладзі, на павазе да навакольнага асяроддзя.
Папа пажадаў сваім гасцям працягваць ісці наперад і пашыраць дабро, залучаючы да сваёй працы іншых, асабліва моладзь.
