Божае Цела Францішак правядзе ў рымскім Касаль-Бэртонэ

Пасля заканчэння літургіі Папа возьме ўдзел у працэсіі з Найсвяцейшым Сакрамэнтам, якая пройдзе вуліцамі мікрараёна і завершыцца эўхарыстычным благаслаўленнем, якое ўдзеліць Святы Айцец. Аб гэтым паведаміла 10 чэрвеня 2019 г. Зала Друку Святога Пасаду.

Трэба нагадаць, што Францішак змяніў традыцыю: шмат гадоў ён сам і яго папярэднікі ў Божае Цела ўзначальвалі св. Імшу перад базылікай св. Яна на Латэране, пасля чаго ішлі ў эўхарыстычнай працэсіі вуліцамі Рыма да базылікі Санта-Марыя-Маджорэ. У мінулым годзе Папа правёў урачыстасць у Осціі, каля Рыма.