Папа да місіянераў: жыць Евангеллем без разліку

Святы Айцец заўважыў, што місіянеры павінны “жыць Евангеллем без разліку”, робячы ўчынкі, якія выходзяць за агульнапрынятыя рамкі, кіравацца выключна жаданнем служыць Езусу. У іх дзейнасці павінен прысутнічаць містычны элемент, “прага еднасці з Хрыстом праз сведчанне”.

Францішак заклікаў місіянераў падтрымліваць у Божым народзе пакліканне “выходзіць насустрач людзям, несці ўсім народам благаслаўленне Езуса Хрыста”, нагадваць яму, што місійная дзейнасць – гэта справа, якая рэалізуецца не ў адзіночку, а разам.

Папа нагадаў, што місіянеры патрабуюць “радасці Евангелля”. “Без яе немагчыма займацца місіянерствам, без яе мы будзем абвяшчаць Евангелле, якое не стане прыцягальным”. “Няхай гэта радасць, гэта прыгажосць Евангелля, заўсёды будзе ў вашых сэрцах, вашых жэстах, вашых словах, вашых адносінах”, - пажадаў кансэкраваным асобам Пантыфік.