Папа аднаўляе агульныя аўдыенцыі ў Зале Паўла VI
Пасля ліпеньскага перапынку, у гэту сераду, 4 жніўня 2021 г., у 9.15 Францішак узначаліць агульную аўдыенцыю ў Зале Паўла VI.
Аляксандр Амяльчэня - Vatican News
Як і кожны год, правядзенне сустрэч Папы з вернікамі па серадах у ліпені было прыпынена. Другі месяц лета для Францішка – час адпачынку.
У гэтым годзе паўза супала з аднаўленнем Папы, які 4 ліпеня перанёс аперацыю на тоўстай кішцы ў клініцы Джэмэлі. Роўна праз месяц пасля хірургічнага ўмяшання ён адновіць звычайны парадак сустрэч з вернікамі, працягваючы цыкл катэхез, заснаваны на Пасланні да Галатаў.
03 жніўня 2021, 10:45
