Тэлеграма Францішка пасля смерці архіепіскапа Дэсманда Туту
Аляксандр Амяльчэня - Vatican News
Англіканскі іерарх і лаўрэат Нобелеўскай прэміі міру памёр 26 снежня 2021 года на 90-м годзе жыцця.
“Памятаючы пра Яго служэнне Евангеллю, спрыянню расавай роўнасці і прымірэнню ў роднай Паўднёвай Афрыцы, Яго Святасць давярае яго поўнай любові міласэрнасці Бога. Для ўсіх, хто смуткуе пасля яго смерці, Францішак выпрошвае Божае благаслаўленне міру і суцяшэння ў Езусе”, - гаворыцца ў тэксце.
Архіепіскап Дэсманд Туту ў 1986-1996 гадах быў кіраўніком Англіканскай Царквы Паўднёвай Афрыкі і лаўрэатам Нобелеўскай прэміі міру ў 1984 годзе ў знак прызнання барацьбы з апартэідам і намаганняў па нацыянальным прымірэнні ў Паўднёвай Афрыцы.
“Адыход архіепіскапа-эмерыта Дэсманда Туту ў вечнасць азначае яшчэ адну главу ў развітанні нашай нацыі з пакаленнем выдатных паўднёваафрыканцаў, якія пакінулі нам у спадчыну свабодную Паўднёва-Афрыканскую Рэспубліку”, - напісаў прэзідэнт краіны Сірыл Рамафос.
Таксама Прэзідэнт ЗША Джо Байдэн выказаў спачуванні ў сувязі са смерцю выдатнага рэлігійнага дзеяча. Амерыканскі лідар назваў Туту адным з айцоў-заснавальнікаў Паўднёвай Афрыкі, адзначыўшы яго “служэнне Евангеллю праз прасоўванне расавай роўнасці і прымірэння ў роднай Паўднёвай Афрыцы”. Акрамя таго, Байдэн адзначыў, што "мужнасцю і маральнай яснасцю" Туту натхніў рашучасць ЗША змяніць палітыку краіны "ў дачыненні да рэпрэсіўнага рэжыму апартэіду".
