Regina Caeli: няхай новыя святыя натхняюць на дыялог
Аляксандр Амяльчэня - Vatican News
Папа падзякаваў усім, хто прыбыў на кананізацыю: кардыналам і біскупам, святарам, законнікам і законніцам, асабліва тым, хто належыць да духоўных сем’яў новых святых, а таксама ўсім вернікам, якія прыехалі ў Рым з шматлікіх частак свету.
“Вітаю афіцыйныя дэлегацыі розных краін, у прыватнасці Прэзідэнта Італьянскай Рэспублікі. Прыемна бачыць, што сваім евангельскім сведчаннем гэтыя святыя ўнеслі свой уклад у духоўнае і грамадскае развіццё сваіх краін і ўсёй чалавечай сям’і. У той час, калі, на жаль, у свеце растуць дыстанцыяванасць і напружанасць, няхай новыя святыя натхняюць на агульныя рашэнні, шлях дыялогу, асабліва ў сэрцах і розумах тых, хто займае адказныя пасады і пакліканы быць героем міру, а не вайны”, - звярнуўся Францішак перад марыйнай малітвай.
