Папа не зможа правесці Імшу і працэсію ва ўрачыстасць Божага Цела

Аляксандр Панчанка – Vatican News

Папская святая Імша і працэсія з эўхарыстычным благаслаўленнем сёлета не будуць праводзіцца з-за абмежаванняў, якія накладае на Святога Айца боль у калене, а таксама ў сувязі з асаблівымі літургічнымі патрабаваннямі гэтай цэлебрацыі, - гаворыцца ў ватыканскім паведамленні, апублікаваным 13 чэрвеня 2022 года.

Урачыстасць Божага Цела асаблівым чынам святкуецца ў Рыме з ХІІІ стагоддзя. Па традыцыі Пантыфік цэлебруе літургію перад базылікай святога Яна на Латэране, а затым узначальвае працэсію з Найсвяцейшым Сакрамэнтам да базылікі Санта-Марыя-Маджорэ, ля якой удзяляе вернікам эўхарыстычнае благаслаўленне.