Новыя дэкрэты Дыкастэрыі па справах кананізацыі
Аляксандр Панчанка – Vatican News
Першы дакумент датычыць прызнання цуду, які здарыўся праз заступніцтва італьянскай законніцы Элізабэты Марцінэс (1905-1991), заснавальніцы кангрэгацыі Дачок Найсвяцейшай Марыі з Леўкі.
Яшчэ пяць дэкрэтаў тычыцца прызнання гераічнасці цнотаў: італьянскага капуцына Джузэпэ ад Элпідзія (1885-1974), пры нараджэнні Джуліа Бочы, заснавальніка кангрэгацыі Сясцёр Францішканак Пакліканняў; бразільскага сэрцаніна Алаізіў Сэбасцяў Боінгі (1913-2006), заснавальніка Марыйнага Брацтва Сэрца Езуса; італьянскай законніцы Марыі Маргарыты Лусаны (1852-1935), пры нараджэнні Тэрэзы Катарыны, сузаснавальніцы кангрэгацыі Сясцёр Уршулянак Найсвяцейшага Сэрца з Асолі; а таксама двух свецкіх верніц: іспанкі Франсыскі Аны Марыі Алкарэс Марэль (1901-1972) і італьянкі Альбэрціны Віолы Дзірандолі.
