Пантыфік узначаліць літургію ў Папяльцовую сераду
9 лютага 2023 года Служба папскіх літургічных цэлебрацый паінфармавала, што Францішак ўзначаліць літургію на пачатак Вялікага посту. Яна пройдзе на рымскім пагорку Авенцін.
Аляксандр Панчанка – Vatican News
“22 лютага 2023 года, у Папяльцовую сераду, у 16.30 у касцёле святога Анзэльма адбудзецца Statio, пасля якой пройдзе пакаянная працэсія да базылікі святой Сабіны, дзе ў 17.00 Святы Айцец Францішак узначаліць Эўхарыстычную цэлебрацыю з благаслаўленнем попелу і пасыпаннем ім”, - гаворыцца ў ватыканскім паведамленні.
У 2022 годзе Францішак не прымаў удзел у традыцыйнай працэсіі і святой Імшы на рымскім пагорку Авенцін у сувязі з болем у калене. Цэлебрацыю на пачатак Вялікага посту замест яго ўзначальваў кардынал Дзяржсакратар П’етра Паралін.
09 лютага 2023, 12:38
