Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE

Папа арганізатарам СДМ: давярайце талентам іншых людзей

Папа прыняў дэлегацыю арганізатараў Сусветных дзён моладзі, якія праходзілі ў жніўні 2023 года ў Лісабоне, і падзякаваў ім за прыклад добрага супрацоўніцтва і ўвагі да бедных.

Аляксандр Панчанка - Vatican News

“Вы пакінулі нам цудоўны прыклад таго, як можна рэалізаваць місію разам, не выключаючы нікога. Больш за тое, вы здолелі паставіць у цэнтр тых, хто дагэтуль жыў у адчужанасці. Шчаслівыя тыя, хто атрымлівае ў спадчыну і вызнае жыццём паўсюднае вымярэнне сэрца Бога! Будзьце здольным давяраць талентам іншага – кім бы ён ні быў, – дапамагаючы яму ўключыцца ў вялікую супольную мару”, - заўважыў Папа ў тэксце сваёй прамовы, якая была прачытана падчас аўдыенцыі, што прайшла 30 лістапада 2023 года ў Ватыкане.

Францішак заклікаў па прыкладзе Езуса Хрыста мець увагу да людзей, якія “засталіся ззаду”, а таксама пажадаў, каб Сусветныя дні моладзі ў Партугаліі прынеслі багатыя духоўныя плёны.

“Няхай Бог узнагародзіць вас за дабро, якое вы зрабілі для моладзі і для мяне, для горада Лісабона і для людзей з усяго свету, якія скіравалі туды свае крокі і сэрцы. Прашу вас, працягвайце паказваць і падштурхоўваць нас да паўсюдных вымярэнняў Божага сэрца!”, - заахвоціў арганізатараў СДМ-2023 Святы Айцец.
 

30 лістапада 2023, 11:38
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031