Францішак узначаліў пасяджэнне кардыналаў-дарадчыкаў
Аляксандр Амяльчэня - Vatiacan News
На мінулай сустрэчы, якая мела месца 5-7 лютага 2024 года, папскія кансультанты разважалі аб ролі жанчын у Касцёле. У абмеркаванні тэмы бралі ўдзел сястра Лінда Почар, выкладчыца хрысталогіі і марыялогіі на Папскім факультэце педагагічных навук Auxilium у Рыме; Джуліва дзі Берардзіна, кансэкраваная свецкая верніца з дыяцэзіі Верона, выкладчыца і кіраўніца курсаў духоўнасці і духоўных практыкаванняў; Джо Бэйлі Уэлс, епіскап Англіканскай Царквы і намесніца Генеральнага сакратара Англіканскай супольнасці.
Прайшла дыскусія аб бягучых сінадальных працэсах у кантэксце ўсяго Касцёла. Адной з важных тэм стала евангелізацыя. Кардыналы пачулі даклады прапрэфектаў Дыкастэрыі па справах евангелізацыі, арцыбіскупа Рына Фізікелы і кардынала Луіса Антоніа Тагле. Абмяркоўваліся і іншыя актуальныя тэмы.
