Папа выказаў спачуванні ў сувязі з гібеллю прэзідэнта Ірана
Святы Айцец запэўніў іранскі народ у сваёй духоўнай блізкасці пасля гібелі прэзідэнта краіны Эбрагіма Раісі, міністра замежных спраў Хасэйна Аміра Абдалахіяна і іншых сямі чалавек – ахвяр авіякатастрофы.
Аляксандр Амяльчэня - Vatican News
Верталёт Раісі 19 мая 2024 года разбіўся ў тумане ў горнай мясцовасці на паўночным захадзе Ірана недалёка ад мяжы з Азербайджанам. Загінулі ўсе, хто быў на борце.
У спачувальнай тэлеграме, накіраванай вярхоўнаму лідару Ісламскай Рэспублікі Іран, аятале Алі Хаменеі, Францішак запэўніў у малітве за ахвяр катастрофы і іх сем'і.
21 мая 2024, 09:26
