Папа анансаваў дакумент аб кульце Найсвяцейшага Сэрца Езуса
Аляксандр Панчанка - Vatican News
“Мы перажываем месяц, прысвечаны Найсвяцейшаму Сэрцу Езуса”, - нагадаў Папа. Ён заўважыў, што 27 снежня 2023 года споўнілася 350 гадоў з дня першага аб’яўлення Найсвяцейшага Сэрца Езуса французскай манахіні Маргарыце Марыі Алакок, а святкаванне гэтага важнага юбілею будзе працягвацца да 27 чэрвеня 2024 года.
“У сувязі з гэтым я з радасцю рыхтую дакумент, які аб’яднае ў сабе каштоўную рэфлексію папярэдніх тэкстаў касцёльнага вучэння і доўгую гісторыю, якая ўзыходзіць да тэкстаў Святога Пісання, каб сёння зноў прапанаваць усяму Касцёлу гэты прыгожы культ, поўны духоўнай прыгажосці. Я думаю, што нам будзе вельмі карысна паразважаць над рознымі аспектамі любові Пана, якія могуць асвяціць шлях касцёльнага абнаўлення, а таксама сказаць нешта значнае свету, які, здаецца, згубіў сэрца. Прашу вас суправаджаць мяне ў малітве на працягу гэтага перыяду падрыхтоўкі. Я маю намер абнародаваць гэты дакумент ў верасні гэтага года”, - сказаў Папа.
