Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Моладзевы фестываль у Меджугор'і Моладзевы фестываль у Меджугор'і  (Radio Medjugorje Mir)

Папа да моладзі ў Меджугор'і: будзьце сапраўднымі вучнямі Хрыста

Францішак накіраваў пасланне да ўдзельнікаў 35-га моладзевага фестывалю Mladifest, які праходзіць у Меджугор'і 1-6 жніўня 2024 года. Ён заклікаў моладзь пераймаць Марыі, сапраўднай вучаніцы Хрыста, слухаючы Слова Божае і добрасумленна выконваючы сваю місію.

Марыя Валодзіна - Vatican News

У сваім пасланні Папа паразважаў на тэму фестывалю: "Марыя ж выбрала добрую частку" (Лк 10,42). Ён адзначыў, што сапраўдныя вучні Езуса прымаюць Слова Божае ў сваё сэрца, як гэта зрабіла Марыя, сястра Марты, сеўшы ля ног Езуса, каб слухаць Яго. Такім чынам, яна выбрала лепшую частку, якая "не адымецца ў яе".

Быць сапраўднымі вучнямі

Сапраўднай вучаніцай Хрыста з'яўляецца і Найсвяцейшая Панна Марыя. Яна пачула Слова Божае і цалкам аддала сябе Богу. “Яна моўчкі стаяла ля падножжа крыжа, калі Езус, Сын Божы і яе сын, адкупіў свет, яна рушыла ўслед за апосталамі ў дзень Пяцідзесятніцы, калі нарадзіўся Касцёл. Дазволіўшы Слову Божаму ўвайсці ў яе сэрца, Панна Марыя добрасумленна і старанна выканала сваю місію. Яна таксама абрала добрую частку: Езуса", - зазначыў Пантыфік.

“Заставайцеся ў прысутнасці Настаўніка, каб разважаць над Словам Божым, дазваляючы Яму праліць святло на ваш розум і сэрца, каб адкрыць для сябе задуму, якую Айцец мае для кожнага з вас і супрацоўнічаць у яе ажыццяўленні”, - заахвоціў маладых людзей Святы Айцец. "Вось чаму я заклікаю вас наладзіць цесныя адносіны з Евангеллем і трымаць яго пры сабе, каб яно служыла вам компасам, які паказвае шлях, па якім варта ісці”, - напісаў Францішак.

Абвяшчаць Хрыста ў штодзённым жыцці

На думку Папы, "сапраўдны вучань, становячыся мудрым і моцным у Духу, абавязкова перадае Валадарства Божае іншым, таму што абвяшчэнне Яго Слова з'яўляецца абавязкам не толькі святароў і законнікаў, але і юнакоў і дзяўчат". Ён заклікаў кожнага прысутнага набрацца смеласці гаварыць пра Хрыста ў сваіх сем'ях, на вучобе, на працы і ў вольны час.

"Абвяшчайце Яго, перш за ўсё, сваім жыццём, выяўляючы бачную прысутнасць Хрыста ў сваім існаванні, у сваёй штодзённай дзейнасці і ў згодзе з Евангеллем ва ўсіх сваіх канкрэтных рашэннях. Пан жадае, каб вы былі бясстрашнымі апосталамі добрай навіны і будаўнікамі новага чалавецтва", - заахвоціў моладзь Святы Айцец.

“Даручаю кожнага з вас Марыі, Маці Касцёла, каб яна заступалася за вас, каб вы мелі сілу і мудрасць гаварыць з Богам і пра Бога", - пажадаў напрыканцы паслання Францішак.

03 жніўня 2024, 06:29
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031