Святы Айцец развітаўся з Люксембругам
Аляксандр Панчанка - Vatican News
Перад тым як пакінуць краіну Пантыфік правёў кароткую прыватную размову з Вялікім герцагам Анры, Вялікай герцагіняй Марыяй Тэрэзай і Прэм’ер-міністрам Люксембурга Люкам Фрыдэнам. Яна адбылася ў Salon Bourlingster аэрапорта.
Пасля цырымоніі развітання Папа апошнім падняўся на борт самалёта. Ён сфатаграфаваўся з экіпажам лайнера, пасля чаго вылецеў у Бельгію, дзе застанецца да 29 верасня.
Палёт да Бруселя самалётам Boeing 737 авіякампаніі Luxair працягнецца каля 55 хвілін. За гэты час у паветры будзе пераадолена 307 кіламетраў.
Францішак стаў другім Папам у гісторыі, які наведаў Люксембруг. У 1985 годзе двухдзённы візіт у гэтую краіну Еўропы здзейсніў святы Ян Павел ІІ, наведаўшы яе разам з Нідэрландамі і Бельгіяй.
