Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE

Святы Айцец даў парады езуітам Інданезіі

4 верасня 2024 года Папа прыняў за закрытымі дзвярыма езуітаў, якія нясуць служэнне ў Інданезіі. Дыялог з сабратамі па Таварыстве Езуса – традыцыя ўсіх падарожжаў Францішка.

Аляксандр Панчанка - Vatican News

Сустрэча працягвалася каля гадзіны ў Апостальскай нунцыятуры ў Джакарце. У ёй бралі ўдзел каля 200 паслядоўнікаў святога Ігнацыя Лаёлы з 320, якія служаць на архіпелагу. Як звычайна яна праходзіла ў фармаце пытанняў і адказаў.

Ксёндз Антоніа Спадара, падсакратар Дыкастэрыі па справах культуры і адукацыі, які прысутнічаў на сустрэчы, назваў размову Папы з сабратамі “спакойнай, глыбокай і вострай”. Паводле яго слоў, Пантыфік адчуваў сябе вельмі натуральна, як у сям’і і быў прыемна здзіўлены вялікай колькасцю моладзі, якая праходзіць фармацыю ў Таварыстве Езуса ў Інданезіі.

Падчас гутаркі абмяркоўваліся розныя тэмы: “Папа казаў пра значэнне распазнавання і малітвы. Моладзь пыталася ў яго, калі ён знаходзіць час на малітву, а ён расказаў некалькі забаўных гісторый”. Закраналіся таксама пытанні, якія тычацца інданезійскага архіпелагу, “такія як міжрэлігійны дыялог і інкультурацыя”.

Ксёндз Спадара нагадаў, што католікі ў Інданезіі складаюць усяго 3 працэнты ад агульнай колькасці насельніцтва, але гэта 8 мільёнаў чалавек і таму вельмі значная лічба. Падчас сустрэчы з езуітамі Папа падкрэсліваў, што важна не колькасць, а жыццёвая сіла і здольнасць да росту. Для Святога Айца важна, каб хрысціяне садзейнічалі развіццю краіны, будучы як дрожджы, замяшаныя ў цеста, - дадаў італьянскі езуіт.
 

04 верасня 2024, 11:31
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031